पुण्यात दोन कोटींची लाच मागणारा पोलिस उपनिरीक्षक एसीबीच्या जाळ्यात; ४६ लाख घेताना रंगेहात पकडला

पुणे, ता. २ : आरोपीला मदत करण्यासाठी दोन कोटी रुपयांची मागणी करून, पहिल्या हप्त्यापोटी ४६ लाख रुपयांची लाच घेताना एका पोलिस उपनिरीक्षकाला लाचलुचपत प्रतिबंधक विभागाने (ACB) रविवारी (ता. २) रास्ता पेठ परिसरात ताब्यात घेतले. प्रमोद रवींद्र चिंतामणी (वय ३५) असे त्या पोलिस उपनिरीक्षकाचे नाव असून, ते सध्या पिंपरी-चिंचवड पोलिस आयुक्तालयातील आर्थिक गुन्हे शाखेत कार्यरत आहेत.

या प्रकरणी समर्थ पोलिस ठाण्यात चिंतामणी यांच्याविरुद्ध गुन्हा दाखल करण्यात आला आहे. आरोपी चिंतामणी हे मूळचे कर्जुले (ता. पारनेर, जि. अहमदनगर – सध्याचे अहिल्यानगर) येथील असल्याची माहिती मिळाली आहे.

‘एसीबी’चे सहायक पोलिस आयुक्त दयानंद गावडे यांनी दिलेल्या माहितीनुसार, तक्रारदार हे व्यवसायाने वकील असून, त्यांच्या अशिलाविरुद्ध बावधन पोलिस ठाण्यात गुन्हा दाखल आहे. त्या गुन्ह्याचा तपास चिंतामणी यांच्याकडे होता. या प्रकरणात अशिलाच्या वडिलांनाही अटक झाली असून, ते सध्या न्यायालयीन कोठडीत आहेत.

अशिलाला मदत करण्यासाठी आणि त्यांच्या वडिलांच्या जामीन अर्जावर सकारात्मक भूमिका घेण्यासाठी चिंतामणी यांनी तक्रारदार वकिलाकडे लाचेची मागणी केली. सुरुवातीला दोन लाख रुपयांची लाच मागितल्यानंतर तपासादरम्यान चिंतामणी यांनी अचानक दोन कोटी रुपयांची मागणी केली. त्यापैकी एक कोटी रुपये स्वतःसाठी आणि उर्वरित एक कोटी त्यांच्या वरिष्ठ पोलिस निरीक्षकासाठी असल्याचे त्यांनी तक्रारदार वकिलास सांगितले होते.

या संदर्भात संबंधित वकिलाने तात्काळ लाचलुचपत प्रतिबंधक विभागाकडे तक्रार दाखल केली.

पुणे ‘एसीबी’च्या अधिकाऱ्यांनी या तक्रारीची सखोल पडताळणी केली. त्यानंतर पोलिस अधीक्षक शिरीष सरदेशपांडे,

अतिरिक्त पोलिस अधीक्षक अजित पाटील आणि अर्जुन भोसले यांच्या मार्गदर्शनाखाली पोलिस निरीक्षक प्रसाद लोणारे

आणि त्यांच्या पथकाने रविवारी सापळा रचला.

त्या सापळ्यानुसार रास्ता पेठेतील उंटाड्या मारुती मंदिरासमोर तक्रारदाराकडून

४६ लाख ५० हजार रुपयांची लाच स्वीकारताना चिंतामणी यांना एसीबीने रंगेहात पकडले.

आरोपीकडून ही संपूर्ण रक्कम जप्त करण्यात आली असून, त्यात दीड लाख रुपयांच्या खऱ्या नोटा

आणि ४५ लाख रुपयांच्या बनावट नोटांचा समावेश असल्याचे तपासात समोर आले आहे.

या कारवाईनंतर आरोपीच्या भोसरीतील दिघी रस्त्यावरील सोपान रेसिडेन्सी येथील राहत्या घरावर आणि कार्यालयावर ‘एसीबी’च्या पथकाने झडती सुरू केली आहे. तपास सुरू असून, या प्रकरणात आणखी पोलिस अधिकारी किंवा इतर व्यक्तींचा सहभाग आहे का, याचीही पडताळणी केली जात आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.