पुणे बलात्कार;दत्तात्रेय गाडे ड्रोनमुळे नाहीतर,भुकेमुळे लागला हाती

28 फेब्रुवारी 2025 | पुणे: पुणे येथील स्वारगेट बस स्थानकावर घडलेल्या बलात्कार प्रकरणातील आरोपी दत्तात्रेय गाडेला पोलिसांनी अखेर ताब्यात घेतले आहे. आरोपी दत्तात्रय गाडे त्याच्या मूळ गावातील एका भातशेतीत लपून राहिला होता, परंतु भूक आणि तहानेने व्याकुळ झाल्यामुळे तो बाहेर पडला आणि पकडला गेला.पोलिसांनी शुक्रवारी ही माहिती दिली.

आरोपी दत्तात्रेय रामदास गाडे (३७) याला पोलिसांनी रात्री अंदाजे दोन वाजता पकडले. त्याला वैद्यकीय तपासणीसाठी पाठवण्यात आले त्यानंतर औपचारिकरीत्या अटक करण्यात आली. आरोपीला दिवसा कोर्टात हजर केले जाईल. गाडे वर मंगळवारी सकाळी पुणे येथील स्वारगेट बस स्थानकावर महाराष्ट्र राज्य परिवहन महामंडळाच्या (एमएसआरटीसी) एका बसमध्ये २६ वर्षीया महिलेच्या बलात्काराचा आरोप आहे. घटनेनंतर तो शिरूर तालुक्यातील त्याच्या मूळ गावी पळून गेला होता.

आरोपीला शोधण्यासाठी गुरुवारी ड्रोन आणि शोध कुत्र्यांचा वापर

पोलिस अधिकाऱ्यांनी सांगितले की, आरोपीने त्याचा मोबाइल फोन बंद केला होता, परंतु पोलिस त्याच्या गावापर्यंत पोहोचले होते. गावातील एका कुटुंबाकडून त्याने पाणी मागितल्याची माहिती पोलिसांना मिळाली. पुणे पोलिसांनी आरोपीला शोधण्यासाठी गुरुवारी ड्रोन आणि शोध कुत्र्यांचा वापर केला होता. १३ पोलिस टीमा या शोध अभियानात सहभागी होत्या.मात्र त्यांना यात यश आले नव्हते.

संयुक्त पोलीस आयुक्त रंजन कुमार शर्मा यांनीही गावाचा दौरा केला आणि त्यांच्या अधिकाऱ्यांना आवश्यक सूचना दिल्या. पोलीस अधिकाऱ्यांनी सांगितले की, “ड्रोन आणि शोध कुत्र्यांच्या मदतीने ऊसशेतीत शोध अभियान चालविण्यात आले होते. रात्री हे अभियान थांबविण्यात आले. तथापि, आम्हाला माहिती मिळाली की गाडे एका घरात जेवण मागण्यासाठी गेला होता. आम्ही ताबडतोब त्या ठिकाणी पोहोचलो, परंतु तो पळून जाण्यात यशस्वी झाला. घरातील कुटुंबाने त्याला पाण्याची बाटली दिली होती.”

कुटुंबाने पोलिसांना आरोपीच्या त्या भागात असल्याबद्दल माहिती दिली,

ज्यानंतर पोलिसांच्या टीमने पुन्हा शोध अभियान सुरू केले. आरोपी जवळच्या भातशेतीत लपून होता ,त्याला पकडण्यात यश मिळाले.

दत्तात्रेय गाडे याच्यावर पुणे आणि अहिल्यानगर जिल्ह्यात चोरी, दरोडा आणि चेन स्नॅचिंगसह सुमारे सहा गुन्ह्यांमध्ये आरोप आहेत.

विशेष म्हणजे तो २०१९ पासून एका गुन्ह्यामध्ये जामिनावर होता.

घटनेचा क्रम

पीडित महिलेनुसार, मंगळवारी सकाळी सुमारे ५:४५ वाजता ती सातारा जिल्ह्यातील फलटणला जाणाऱ्या बसची वाट पाहत होती. तेव्हा एक व्यक्ती तिच्याजवळ आली आणि तिला “दीदी” म्हणून संबोधले. त्या व्यक्तीने तिला बोलत ठेवले आणि सांगितले की साताऱ्या ला जाणारी बस दुसऱ्या प्लॅटफॉर्मवर आली आहे. त्यानंतर तो तिला स्थानकाच्या परिसरातील एका रिकाम्या “शिव शाही” एसी बसमध्ये घेऊन गेला.

बसमध्ये प्रकाश नसल्यामुळे महिला प्रथम बसमध्ये चढण्यास बिचकली, परंतु त्या व्यक्तीने तिला विश्वास दिला की हीच योग्य बस आहे.
वैद्यकीय क्षेत्रात काम करणाऱ्या या महिलेनुसार, त्यानंतर तो तिच्यामागे बसमध्ये गेला आणि तिच्यावर बलात्कार केला. घटनेनंतर तो ताबडतोब पळून गेला.

यानंतर आरोपी भजन कीर्तनला जाऊन बसला होता,मात्र टीव्हीवर बातमी झळकू लागली

आणि आरोपीचा चेहरा जाहीर झाल्यामुळे पुणे बलात्कार प्रकरणातील आरोपी दत्तात्रेय गाडे तिथून पळून भाताच्या शेतीत जाऊन लपला होता.

पुणे येथील या धक्कादायक घटनेमुळे राजकीय वाद निर्माण झाला आहे.

विरोधी पक्षांनी महिला सुरक्षेच्या मुद्द्यावर भाजपा-नेतृत्वातील महाराष्ट्र सरकारची टीका केली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.