प्रशांत कोरटकर ची अखेर पोलिस चौकशीत कबुली मीच केला होता फोन

27 मार्च 2025 : कोल्हापूर | प्रशांत कोरटकर ची अखेर पोलिस चौकशीत कबुली मीच केला होता फोन : कोल्हापूरमध्ये इतिहास संशोधक इंद्रजित सावंत यांना फोनवरून धमकावणाऱ्या प्रशांत मुरलीधर कोरटकर (वय ५०, नागपूर) याच्या आवाजाचे फॉरेन्सिक नमुने बुधवारी घेण्यात आले. मंगळवारी मध्यरात्रीपासून बुधवारी पहाटेपर्यंत पाच तास चाललेल्या कडक चौकशीत कोरटकरने मोबाइलमधील डेटा स्वतः डिलीट केल्याची कबुली दिली आहे. अटक टाळण्यासाठी तो हैदराबादमार्गे चेन्नईला पळून जाण्याच्या तयारीत असल्याचेही चौकशीत समोर आले आहे. कोरटकरला तीन दिवसांची पोलिस रिमांड मंजूर झाली आहे.

बुधवारी दुपारी राजारामपुरी पोलिस ठाण्यात फॉरेन्सिक अधिकाऱ्यांनी कोरटकरच्या आवाजाचे नमुने घेतले. पोलिसांनी सावंत यांच्याशी झालेला फोन संवाद लिहून काढला असून, याची प्रत कोरटकरकडून वाचून घेण्यात आली. त्याच्यासह आणखी चार जणांच्या आवाजाचे नमुने घेण्यात आले असून ही प्रक्रिया सहा तास चालली. चौकशीदरम्यान प्रशांत कोरटकर ने कबूल केले की, फोन त्यानेच केला होता आणि गुन्हा दाखल झाल्यानंतर त्याने मोबाइलमधील संभाषण डेटा स्वतः डिलीट केला होता.

पोलिसांची कडक चौकशी

पोलिस निरीक्षक संजीव झाडे आणि उपनिरीक्षक संतोष गळवे यांनी मंगळवारी रात्री १२ ते ३ व बुधवारी सकाळी ६ ते ८ या वेळेत कोरटकरची तपासणी केली. पसार काळात तो कुठे होता, कोणाच्या संपर्कात होता आणि त्याला कोणाची मदत झाली याबाबत माहिती गोळा करण्याचे काम सुरू आहे.

फॉरेन्सिक तपासणीसाठी सावंत यांच्या आवाजाचे नमुने तीन आठवड्यांपूर्वीच घेतले गेले होते.

कसबा बावडा येथील फॉरेन्सिक प्रयोगशाळेत सर्व आवाज नमुन्यांची पडताळणी सुरू आहे.

मूळ संभाषण आणि नमुन्यांमधील आवाजाचा पोत, चढ-उतार, बोलण्याची पद्धत, विशिष्ट स्वर-व्यंजनांचा उच्चार

यांचे शास्त्रीय विश्लेषण करून तंतोतंत जुळणारा आवाज ओळखला जाईल.

फॉरेन्सिक अहवाल ४ ते ६ दिवसांत जुना राजवाडा पोलिस ठाण्याला पाठवला जाणार आहे.

सुरक्षेची कडक तरतूद

कोरटकरची राजारामपुरी पोलिस ठाण्यात रवानगी झाल्यापासून ठाण्याबाहेर कडेकोट सुरक्षा व्यवस्था लागू आहे.

चौकशीशिवाय कोणालाही ठाण्यात प्रवेश दिला जात नाही. संतप्त शिवप्रेमींकडून कोरटकरवर हल्ला होऊ नये म्हणून पोलिसांनी विशेष खबरदारी घेतली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.