उत्तर प्रदेशच्या झाशी जिल्ह्यातील गुमनावारा येथे राहणाऱ्या 34 वर्षीय फायनान्स कंपनीच्या एरिया मॅनेजरनं आत्महत्या केली आहे. त्याच्यावर टार्गेट पूर्ण करण्याचा मोठा दबाव होता. वरिष्ठ अधिकारी त्याला सतत टार्गेट न पूर्ण केल्यास नोकरीवरून काढून टाकण्याची धमकी देत होते. रविवारी सुट्टी असूनही ऑनलाइन मीटिंगमध्ये त्याला टार्गेट पूर्ण न केल्याबद्दल धमकावलं गेलं. या त्रासामुळे मॅनेजरने फाशी लावून स्वत:चं जीवन संपवलं. मृताच्या जवळ पाच पानांची सुसाइड नोट सापडली आहे.
नवाबाद पोलिस ठाण्याच्या हद्दीत महाराणा प्रताप नगर गुमनावारा येथे राहणारे तरुण सक्सेना, पुत्र कृष्ण बिहारी सक्सेना, प्रायव्हेट फायनान्स एजन्सीमध्ये एरिया मॅनेजर पदावर कार्यरत होते. तरुण यांच्यावर जिल्ह्यात आणि आसपासच्या क्षेत्रांमध्ये कर्ज वसुलीची जबाबदारी होती. मात्र, पावसामुळे पिकं खराब झाल्यामुळे शेतकऱ्यांनी ईएमआय जमा केले नव्हते. परिस्थिती पाहूनही कंपनी सतत तरुणवर टार्गेट पूर्ण करण्यासाठी दबाव आणत होती. वसुलीसाठी तरुण तालबेहट आणि मोंठ येथे राहून काम करत होता.
सुट्टीच्या दिवशीही अधिकाऱ्यांनी घेतली मीटिंग, टार्गेट पूर्ण करण्यासाठी धमकावलं, एरिया मॅनेजरनं केली आत्महत्या
मात्र, टार्गेट पूर्ण न झाल्यामुळे कंपनीकडून तरुणवर सतत दबाव आणि अपमान केला जात होता.
आता कंपनीनं त्याला नोकरीवरून काढण्याची धमकीही दिली होती. त्यामुळे तरुण मानसिकदृष्ट्या खूप त्रस्त झाला आणि शनिवारी रात्री जेवणही केलं नाही.
रविवारी सकाळी तरुण उठला आणि कुटुंबीयांशी बोलून आपल्या खोलीत गेला.
काही वेळानंतर कुटुंबीयांनी खोलीत पाहिलं असता, तरुण फाशीला लटकलेला दिसला.
हे दृश्य पाहून कुटुंबीयांनी ओरड सुरू केली. आवाज ऐकून शेजारी आले आणि त्यांनी पोलिसांना कळवलं.
माहिती मिळाल्यानंतर पोलिस घटनास्थळी पोहोचले आणि तरुणच्या मृतदेहाचा ताबा घेतला. त्याच्याजवळ पाच पानांचं सुसाइड नोट सापडलं, ज्यामध्ये त्याने कंपनीच्या टार्गेट न पूर्ण करण्यावर होणाऱ्या अपमानाबद्दल लिहिलं होतं. एसपी सिटी ज्ञानेन्द्र कुमार सिंह यांनी सांगितलं की, मृतदेहाचं पोस्टमार्टम केलं जात आहे. मृताच्या जवळून सुसाइड नोट सापडली आहे आणि याप्रकरणी तपास सुरू असून लवकरच कारवाई केली जाईल.
(एजन्सी इनपुटसह)
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on SEP 30,2024 |11:32 AM
WebTitle – Officials held meeting even on holiday, threatened to meet target, area manager committed suicide
