बीड की दुसरं बिहार? पोलीस चौकीसमोरच तरुणावर चाकू आणि कोयत्याने हल्ला

26 डिसेंबर 2024 |बीड जिल्ह्यातील गुन्हेगारीचा प्रश्न दिवसेंदिवस गंभीर बनत आहे. गुन्हेगारांना पोलिसांचा धाक राहिलेला नसल्याचे पुन्हा एकदा दिसून आले आहे. बीड मधिल एका पोलीस चौकीसमोरच एका तरुणावर चाकू आणि कोयत्याने हल्ला केल्याची धक्कादायक घटना घडली आहे. ही घटना अंबेजोगाई शहरातील स्वामी रामानंद तीर्थ वैद्यकीय महाविद्यालय आणि रुग्णालयाच्या परिसरात घडली. बुधवारी मध्यरात्री झालेल्या या घटनेने परिसरात खळबळ उडाली असून जखमी तरुणाची प्रकृती चिंताजनक आहे.

बीड तरुणावर कोयत्याने हल्ला Knife and Sickle Attack in Front of Police Station Shocks Beed — Knife and Sickle Attack in Front of Police Station Shocks Beed

जखमी तरुणाची ओळख

जमीर उर्फ मुन्ना मोहिद्दीन शेख (रा. सदर बाजार, अंबेजोगाई) असे गंभीर जखमी झालेल्या तरुणाचे नाव आहे. त्याच्यावर स्वामी रामानंद तीर्थ वैद्यकीय रुग्णालयात उपचार सुरू आहेत.

बीड मधिल एका पोलीस चौकीसमोरच एका तरुणावर चाकू आणि कोयत्याने हल्ला – घटनाक्रम

बुधवारी रात्री सुमारे 9.30 वाजता जमीर आणि श्रीहरी दौलत मुंडे यांच्यात वाद झाला. श्रीहरीने जमीरला दारू पिण्यासाठी आग्रह केला होता. मात्र, जमीरने नकार देत शिवीगाळ केली. यामुळे श्रीहरी संतापला आणि रात्री 12.30 वाजता स्वाराती रुग्णालयाजवळच्या चौकात जमीर बसलेला असताना त्याला एटीएमजवळ बोलावले.

जमीर तिथे पोहोचताच श्रीहरीने त्याला शिवीगाळ का केली याचा जाब विचारला. त्यानंतर, श्रीहरीने जमीरच्या मानेवर चाकूने वार केले.

त्याच वेळी, आर्यन मांदळे आणि अनोळखी दोघांनी कोयता आणि चाकू वापरून जमीरवर प्राणघातक हल्ला केला.

या प्रकरणी अंबेजोगाई शहर पोलीस ठाण्यात श्रीहरी मुंडे, आर्यन मांदळे, आणि दोन अनोळखी व्यक्तींविरोधात गुन्हा दाखल करण्यात आला आहे.
घटनेमध्ये गंभीर जखमी झालेल्या जमीरवर सध्या स्वाराती रुग्णालयात उपचार सुरू आहेत. मात्र, त्याची प्रकृती चिंताजनक आहे.

पोलीस चौकीसमोरच हल्ला

संपूर्ण घटना पोलीस चौकीच्या जवळ घडल्याने परिसरातील नागरिकांमध्ये भीतीचे वातावरण निर्माण झाले आहे. वाढत्या गुन्हेगारीमुळे बीड जिल्हा पुन्हा एकदा ‘बिहार’सारखा वाटू लागल्याची भावना नागरिकांमध्ये व्यक्त होत आहे.

पोलीस आता या प्रकरणाचा अधिक तपास करत आहेत.

बंदूकराज ? एकट्या बीड जिल्ह्यात १२२२ शस्त्र परवानाधारक

सामाजिक कार्यकर्त्या अंजली दमानिया यांनी आपल्या X अकाउंटवर व्हिडीओ पोस्ट करत बीडबाबत धक्कादायक आरोप केले आहेत. परभणीत ३२ शस्त्र परवानाधारक आहेत, अमरावती ग्रामीण मध्ये २४३ फक्त तर एकट्या बीड जिल्ह्यात १२२२ शस्त्र परवानाधारक आहेत अशी माहिती त्यांनी दिली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.