कल्याण अल्पवयीन मुलीवर अत्याचार करून खून करणाऱ्या विशाल गवळी कडे मनोरुग्ण असल्याचे दाखले; याच आधारावर यापूर्वी जामीन मिळविल्याची माहिती

26 डिसेंबर 2024 |मुंबई : कल्याणच्या चक्कीनाका परिसरातील एका १२ वर्षाच्या मुलीचे अपहरण करून तिची भिवंडी तालुक्यातील बापगाव येथे अत्याचार अन खुनाच्या प्रकरणात आरोपी असलेल्या विशाल गवळी याच्याकडे मानसिक रुग्ण (मनोरुग्ण) असल्याचा दाखला असल्याचे पोलीस तपासात समोर आले आहे. या दाखल्याच्या आधारे विशालने यापूर्वी दोन वेळा न्यायालयातून जामीन मिळवल्याचे समोर आले आहे. या प्रकारामुळे पोलीस यंत्रणाही चक्रावून गेली आहे.या घटनेत त्याच्या पत्नीनेही सहभाग घेतल्याचे समोर आले असून तिनेही पुरावे नष्ट करण्याची जबाबदारी निभावली असल्याचे तपासात समोर आले आहे.

विशाल गवळी मनोरुग्ण Kalyan's Vishal Gawli Used Mental Illness Certificates to Secure Bail — Kalyan’s Vishal Gawli Used Mental Illness Certificates to Secure Bail

तपासाची प्रगती

ठाणे गुन्हे शाखा आणि कल्याण गुन्हे शाखेचे पथक अल्पवयीन मुलीच्या खुनाच्या प्रकरणाचा सखोल तपास करत आहे. विशाल गवळीने खून केल्यानंतर बुलढाणा येथे पळ काढला होता. गुरुवारी सकाळी ठाणे गुन्हे शाखेच्या पथकाने त्याला अटक करून ठाण्यात आणले. त्याला नौपाडा पोलीस ठाण्याच्या कोठडीत ठेवण्यात आले असून, कल्याण जिल्हा व सत्र न्यायालयाने त्याला दोन जानेवारीपर्यंत पोलीस कोठडी सुनावली आहे.

विशालच्या आधीच्या गुन्ह्यांचा तपास

विशालवर यापूर्वी सहा गुन्हे नोंदवले गेले आहेत. यामध्ये विनयभंग, जबरी चोरी, मारहाण यांचा समावेश आहे. तडीपारीच्या कारवाईनंतर तो पुन्हा कल्याण येथे परतला. त्याने अल्पवयीन मुलीची हत्या का केली, या प्रकरणात त्याला अन्य कोणाचा सहभाग होता का, हे जाणून घेण्यासाठी तपास सुरू आहे.

विशाल गवळी कडे मानसिक रुग्ण (मनोरुग्ण) असल्याचे दाखले असल्याचे समोर आले आहे. याच दाखल्यांच्या आधारे त्याने यापूर्वी न्यायालयातून जामीन मिळविला आहे.

पोलिसांनी शोधून काढले आहे की विशालसारख्या आणखी चार गुन्हेगारांकडेही मनोरुग्ण असल्याचे दाखले आहेत.

हे दाखले कशाच्या आधारे आणि कोणी दिले, याचा तपास सुरू आहे.

पिडीत मुलीच्या वडिलांची मागणी

पिडीत अल्पवयीन मुलीच्या वडिलांनी माध्यमांशी संवाद साधताना मागणी केली की, “पोलिसांनी आरोपीचे एनकाउंटर करावे किंवा त्याला फाशीची शिक्षा द्यावी. खटला फास्ट ट्रॅक कोर्टात चालवावा, अशी मी विनंती केली आहे.”

पोलीस तपासात उघड झालेले मुद्दे

विशाल गवळीकडे मानसिक रुग्ण असल्याचा दाखला.
या दाखल्यांच्या आधारे न्यायालयातून दोन वेळा जामीन मिळवला.
त्याच्यावर आधी सहा गुन्हे नोंदवलेले, ज्यामध्ये विनयभंग, चोरी आणि मारहाण यांचा समावेश.
आणखी चार गुन्हेगारांकडेही अशा प्रकारचे दाखले असल्याचे समोर आले.
विशाल गवळी आणि अशा प्रकारचे दाखले मिळवणाऱ्या गुन्हेगारांच्या प्रकरणात पोलिसांनी सखोल तपास सुरू केला असून, यावर लवकरच कडक कारवाई होण्याची अपेक्षा आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.