मुंबई: प्रसिद्ध कंटेंट क्रिएटर मिशा अग्रवाल (२४) यांचे २४ एप्रिल २०२५ रोजी निधन झाले. त्यांच्या २५व्या वाढदिवसापूर्वी फक्त २ दिवस असताना मिशाने ह्या जगाला अलविदा केले. त्यांच्या विनोदी शैलीत बनवलेल्या रॅंट व्हिडिओजसाठी त्या खूप प्रसिद्ध होत्या. मिशाच्या कुटुंबियांनी सोशल मीडियावर तिच्या मृत्यूबाबत बातमी शेयर केली. मिशाच्या बहिणीने उघड केले की, “मिशा तिच्या करिअरबाबत नैराश्य आणि भीतीपोटी झगडत होती.” कुटुंबाने हेही सांगितले की तिने आत्महत्या केली आहे. पण तिच्या फॅन्सना विश्वासच बसत नाही की, लोकांना हसवणारी आणि विचार करण्यास भाग पाडणारी ही मुलगी मृत्यूला कशी मिठी मारू शकते. ह्या घटनेने पुन्हा अनेक मोठे प्रश्न निर्माण केले आहेत.
फॉलोअर्स कमी झाल्यामुळे नैराश्य
बुधवारी मिशाच्या बहिणीने एक भावनिक पोस्टमध्ये सांगितले की कसे मिशा तिच्या इन्स्टाग्राम फॉलोअर्स कमी झाल्यामुळे खूप निराश झाली होती. तिने लिहिले, “माझी धाकटी बहीण मिशाने तिचे संपूर्ण जीवन इन्स्टाग्राम आणि फॉलोअर्सभोवतीच रचले होते. तिचे स्वप्न होते की तिला १ दशलक्ष (१ मिलियन) फॉलोअर्स मिळावेत. ती ह्या लक्ष्यासाठी इतकी समर्पित होती की तिने ते तिच्या फोनच्या होम स्क्रीनवर सेट केले होते.”
मिशाच्या बहिणीने पुढे लिहिले, “जेव्हा फॉलोअर्स कमी होऊ लागले, तेव्हा ती पूर्णपणे कोसळली आणि स्वतःला नकोशी वाटू लागली. एप्रिल महिन्याच्या सुरुवातीपासून ती खूप उदास होती आणि अनेकदा माझ्याकडे रडत येई आणि विचारे, ‘जिज्जा, जर माझे फॉलोअर्स कमी झाले तर काय होईल? माझा करिअर संपुष्टात येईल.'”
कुटुंबाचे समजावणे निष्फळ
कुटुंबाने तिला समजावण्याचा प्रयत्न केला की इन्स्टाग्राम हे जीवनाचा फक्त एक छोटासा भाग आहे, सर्वकाही नाही.
पण एलएलबी पदवीधर मिशा सोशल मीडियालाच तिचे संपूर्ण जग समजू लागली होती. बहिणीने पोस्टमध्ये पुढे लिहिले,
“दुर्दैवाने, माझ्या बहिणीने आमचे ऐकले नाही आणि इन्स्टाग्राम आणि फॉलोअर्सच्या चिंतेत इतकी गुरफटली गेली की तिने आम्हाला कायमचे सोडून गेले. दुःखाची गोष्ट ही की ती इतकी तुटून गेली होती की तिने आत्महत्या केली, आणि आमचे संपूर्ण कुटुंब या दुःखाने नष्ट झाले आहे.”
कुटुंबाचा भावनिक संदेश
मिशा अग्रवाल यांच्या निधनाची बातमी कुटुंबाने २५ एप्रिल, शुक्रवारी इन्स्टाग्रामवर शेयर केली. पोस्टमध्ये लिहिले होते, “जड हृदयाने आम्ही तुम्हाला ही दुःखद बातमी सांगत आहोत की मिशा अग्रवाल आता आपल्या दरम्यान नाहीत. तुम्ही सर्वांनी तिला आणि तिच्या कामाला दिलेल्या प्रेमाबद्दल आणि पाठबळाबद्दल धन्यवाद. आम्ही अजूनही या अपूरणीय क्षतिपूर्तीला सामोरे जाण्याचा प्रयत्न करत आहोत. कृपया तिला तुमच्या प्रार्थनांमध्ये ठेवा आणि तिच्या आठवणी तुमच्या हृदयात जिवंत ठेवा.” तथापि, त्यावेळी हे स्पष्ट नव्हते की मिशाचा मृत्यू कसा झाला.
Support Jaaglyabharat.com – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on MAY 01,2024 | 11:42 AM
WebTitle – influencer-misha-agrawal-suicide-instagram-followers-mental-health
