लहान चुकांमुळे मोठी शिक्षा! अमेरिकेतील भारतीय विद्यार्थ्यांचे व्हिसा रद्द, देश सोडण्याचे आदेश

अमेरिकेचे राष्ट्राध्यक्ष डोनाल्ड ट्रूम्प हे अनेकदा जाहीरपणे म्हणाले आहेत की भारताचे प्रधानमंत्री नरेंद्र मोदी माझे मित्र आहेत,मात्र त्यांचे मित्र असणे आणि त्यांचे भारत देशाविषयीचे धोरण यात मात्र मोठा फरक दिसून येतो.नुकतेच त्यांनी भारतावर कठोरपणे करवाढ लादली,आता आणखी एक बातमी समोर आली आहे. अमेरिकेत उच्च शिक्षण घेण्याचे स्वप्न बाळगून गेलेले अनेक भारतीय विद्यार्थी सध्या एका गंभीर समस्येला तोंड देत आहेत. लहानसहान चुकांमुळे अमेरिकेतील भारतीय विद्यार्थ्यांचे व्हिसा धोक्यात आले असून,अमेरिकेच्या सरकारकडून त्यांचे विद्यार्थी व्हिसा (F-1 व्हिसा) रद्द करण्यात आले आहेत आणि त्यांना लगेच देश सोडण्याचे आदेश दिले जात आहेत.

अमेरिकेतील भारतीय विद्यार्थ्यांचे व्हिसा indian-students-us-visa-cancelled-deportation-orders — indian-students-us-visa-cancelled-deportation-orders प्रातिनिधिक चित्र

या कारवाईमागे विविध कारणे आहेत. काही विद्यार्थ्यांनी वाहतुकीचे नियम मोडले, जसे की चुकीच्या लेनमध्ये गाडी चालवणे. तर काही प्रकरणांमध्ये अधिक गंभीर गुन्हे दिसून आले आहेत, जसे की ड्रायव्हिंग करताना मद्यपान करणे (DUI) किंवा दुकानातून चोरी करणे (शॉपलिफ्टिंग). अधिक धक्कादायक म्हणजे, काही वर्षांपूर्वी झालेल्या आणि दंड भरून सुटलेल्या जुन्या प्रकरणांवरही आता कारवाई होत आहे.

अमेरिकेतील भारतीय विद्यार्थ्यांचे व्हिसा रद्द

टाइम्स ऑफ इंडियाच्या माहितीनुसार, विद्यार्थ्यांना त्यांच्या कॉलेज किंवा विद्यापीठातील ‘डेसिग्नेटेड स्कूल ऑफिसर’ (DSO) कडून अचानक ईमेल प्राप्त झाले. या ईमेलमध्ये स्पष्ट सूचना देण्यात आली आहे की, त्यांचा F-1 व्हिसा यापुढे वैध नाही आणि त्यांचे SEVIS रेकॉर्ड (जे आंतरराष्ट्रीय विद्यार्थ्यांच्या स्थितीवर नजर ठेवते) रद्द करण्यात आले आहे. त्यांच्यावर लगेच अमेरिका सोडण्याचा दबावही आणण्यात आला आहे.

परिणाम काय?

व्हिसा रद्द झाल्यामुळे विद्यार्थ्यांचे I-20 फॉर्म (जे त्यांना अमेरिकेत कायदेशीररित्या शिक्षण घेण्याची परवानगी देतात) आणि कामाचे परवाने (CPT/OPT) देखील रद्द झाले आहेत. याचा अर्थ असा की, हे विद्यार्थी आता अमेरिकेत ना शिक्षण घेऊ शकतात, ना कोणतेही काम करू शकतात. ते तांत्रिकदृष्ट्या “बेकायदेशीर” प्रवासी ठरले आहेत.

विद्यार्थ्यांची सध्याची स्थिती:

या अचानक आलेल्या कारवाईमुळे विद्यार्थ्यांमध्ये गोंधळ व भीती पसरली आहे. अनेक विद्यार्थी घाबरून लगेच भारतात परतत आहेत,

तर काही विद्यार्थ्यांना अमेरिकेतील स्थानिक अधिकाऱ्यांनी तात्काळ ताब्यात घेतले आहे.

त्यांचे अमेरिकेत शिक्षण पूर्ण करण्याचे आणि तेथे करिअर करण्याचे स्वप्न धुळीला मिळाले आहे.

तज्ञांची चिंता:

या कडक कारवाईमुळे अमेरिकेतील शैक्षणिक क्षेत्रातील तज्ञ आणि वकील चिंतित आहेत.

त्यांच्या मते, अशा प्रकारच्या कारवाईमुळे आंतरराष्ट्रीय विद्यार्थ्यांचा अमेरिकेतील शिक्षण व्यवस्थेवरील विश्वास कमी होऊ शकतो.

काहींचा असा अंदाज आहे की, ही कारवाई मागील ट्रम्प प्रशासनाच्या कठोर धोरणांचा भाग असू शकते. सध्या, या विद्यार्थ्यांचे भविष्य अनिश्चिततेत आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.