दक्षिणा न दिल्याने दलित व्यक्तीस शिवीगाळ आणि मारहाण केल्याप्रकरणी पुजारीसह दोन जणांवर गुन्हा दाखल

हैदराबाद: दक्षिणा न दिल्याने एका दलित व्यक्तीस मारहाण आणि जातिवाचक शिवीगाळ केल्याच्या आरोपाखाली बॉलरम पोलिसांनी एका पुजारी आणि मंदिराच्या दोन जबाबदार व्यक्तींवर गुन्हा दाखल केला आहे. पीडित व्यक्तीच्या म्हणण्यानुसार, आरोपींनी त्याच्यावर जातिवाचक अपशब्दांचा वापर केला, त्याचे कपडे फाडले आणि त्याला मंदिरातून बाहेर काढले. त्यानंतर मंदिराचे दरवाजे त्याच्या तोंडावर बंद केले गेले, हे घडत असताना मंदिरात पूजेसाठी आलेल्या इतर भक्तांनी देखील पाहिले, असा आरोप करण्यात आला आहे. या वेळी पीडित व्यक्तीच्या सोबत त्याचा चार वर्षांचा मुलगाही होता.

दक्षिणा दलित शिवीगाळ मारहाण Hyderabad-Priest-assaulted Dalit person for not giving a donation in temple — This AI-generated image is for representation purposes only

पुजारीने त्याला पैसे नसताना मंदिरात का आला असे विचारले

टाइम्स ऑफ इंडियाने 5 नोव्हेंबर ला दिलेल्या वृत्तानुसार,पीडित ४३ वर्षीय दलित इसम लोटुकुंटा येथे राहत असून ते सुरक्षारक्षक म्हणून काम करत आहेत. तक्रारीनुसार, पीडित इसम प्रथम ऑक्टोबरच्या शेवटच्या आठवड्यात त्याच्या शेजारील मंदिरात गेला होता. पुजा-अर्चना केल्यानंतर मंदिरातील पुजाऱ्याने त्याच्याकडे दक्षिणा मागितली. त्यावेळी त्याच्याकडे पैसे नाहीत असे सांगितल्यावर पुजारीने त्याला पैसे नसताना मंदिरात का आला असे विचारले.

जातिवाचक शिवीगाळ करून त्याला बाजूला ढकलले

पोलिसांनी दिलेल्या माहितीनुसार,शनिवारी सकाळी तो आपल्या मुलासह त्या मंदिरात पुन्हा गेला.प्रार्थना करून त्याने आरती घेतली आणि निघण्याच्या तयारीत होता, तेव्हा पुजाऱ्याने त्याच्याकडे पुन्हा दक्षिणा मागितली, पण त्याने फक्त प्रार्थनेसाठी आलो आहे असे सांगितले. त्यावर पुजाऱ्याने त्याला पैसे नसताना मंदिरात का येतोस असे विचारले आणि त्याच्यावर जातिवाचक शिवीगाळ करून त्याला बाजूला ढकलले, असा आरोप आहे.

दरम्यान, मंदिरातील इतर दोन जबाबदार व्यक्ती घटनास्थळी आल्या आणि पीडित व्यक्तीसोबत वाद घालू लागल्या. त्यानंतर त्यांनी त्याच्यावर हल्ला केला आणि जातिवाचक अपशब्दांचा वापर केल्याचे पोलिसांनी सांगितले.

Web Title : दक्षिणा न दिल्याने दलित व्यक्तीस शिवीगाळ आणि मारहाण केल्याप्रकरणी पुजारीसह दोन जणांवर गुन्हा दाखल

Support Jaaglyabharat.com

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.