झांसी: झांसीतील महाराणी लक्ष्मीबाई मेडिकल कॉलेजच्या नवजात अतिदक्षता विभागाला लागलेल्या आगीच्या दुर्दैवी घटनेत १० नवजात बालकांचा मृत्यू झाला. या घटनेने अवघ्या परिसरात हळहळ व्यक्त होत असून, पालकांच्या दु:खाला पारावार उरलेला नाही.यात एक वेगळी पण मन हेलावून टाकणारी घटनाही समोर आलीय.या आगीत दुसऱ्यांच्या मुलांना वाचवताना स्वत:ची मुलं मात्र वाचवू न शकलेल्या पित्याची गोष्ट लोकांना आणखी स्तब्ध करून गेली,तर अनेकांनी या (याकूब मंसूरी) पित्याचे मनोमन आभार मानले.अशा लोकांमुळेच जगात मानवता अभेद्य आहे.
दुसऱ्यांच्या मुलांना वाचवणारे वडील स्वतःच्या जुळ्या मुलींना वाचवू शकला नाहीत
२० वर्षीय याकूब मन्सुरी यांनी आगीच्या या भयंकर घटनेत अनेक नवजात बालकांचे प्राण वाचवले. मात्र, दुर्दैवाने स्वतःच्या जुळ्या मुलींना ते वाचवू शकके नाहीत.. हमीरपूरमधील याकूब, जे खाद्य विक्रेता आहेत, गेल्या आठवड्यापासून नवजात बालकांच्या अतिदक्षता विभागाबाहेर झोपत होते, जिथे त्याच्या जुळ्या मुलींवर उपचार सुरू होते.
खिडकी तोडून शिशु युनिटमध्ये घुसले याकूब मंसूरी
शुक्रवारी रात्री आग लागली तेव्हा याकूब मंसूरी यांनी अतिदक्षता विभागाची खिडकी तोडून युनिटमध्ये प्रवेश केला आणि शक्य तितक्या लहान मुलांना वाचवले.जेव्हा आग लागली, तेव्हा याकूब मंसूरी खिडकी तोडून आत गेले. आणि त्यांनी शक्य तेवढ्या मुलांना बाहेर काढले. पण त्याच्या जुळ्या मुलींना मात्र यातून वाचवू शकले नाहीत. शनिवारी त्यांचे मृतदेह सापडले, त्यावेळी याकूब व त्याची पत्नी नजमा यांनी रडत-रडत त्यांची ओळख पटवली. त्यांचे डोळे अविश्वास आणि दुःखाने भरलेले होते.या घटनेमुळे अनेक लोक हळहळ व्यक्त करत आहेत.
पहिल्यांदाच आई झालेल्या महिलेने आपले मूल जळताना पाहिले
संजना कुमारीसाठी, जी पहिल्यांदाच आई झाली होती, ही घटना अधिकच वेदनादायक होती.
आपल्या बाळाला जळताना पाहून ती हतबल झाली. ती म्हणाली, “अशा प्रकारचं दु:ख कुणालाही भोगावं लागू नये. हे नुकसान भरून येण्यासारखं नाही.”
रुग्णालयाच्या हलगर्जीपणामुळे पालकांमध्ये संताप
संजना आणि इतर अनेक पालकांनी रुग्णालयाच्या कर्मचाऱ्यांवर हलगर्जीपणाचा आरोप केला आहे. “आम्हाला कोणीही सांगितले नाही की काय चालले आहे. अगदी वेळेवर कुणी पाऊल उचलले असते, तर ही जीवितहानी टळली असती,” असे संतोषी देवीने सांगितले, ज्यांनी आपल्या नवजात मुलाला ११ दिवसांपूर्वी जन्म दिला होता.
उपचारासाठी सर्व काही गमावले, पण मूल वाचले नाही
ललितपूरमधील सोनू व संजना यांच्यासाठी ही घटना भयानक होती. त्यांचा वेळेआधी जन्मलेला मुलगा, ज्याच्यावर उपचार सुरू होते,
त्याला वाचवण्यासाठी त्यांनी कमावलेले सर्व काही गमावले. पण दुर्दैवाने त्यांचे बाळही या आगीत सापडले.
नातेवाईकांची अधिकाऱ्यांवर कारवाईची मागणी
या दुर्दैवी घटनेनंतर, स्थानिक नागरिक आणि मृत बालकांचे पालक यांनी प्रशासनाकडे या प्रकरणाची सखोल चौकशी करण्याची
आणि जबाबदार अधिकाऱ्यांवर कारवाईची मागणी केली आहे.
प्रशासनाचे आश्वासन, पण दु:ख कायम
रुग्णालय प्रशासनाने या घटनेची चौकशी करून योग्य ती कारवाई केली जाईल, असे सांगितले आहे.
पण या आगीने झांसी व आजूबाजूच्या परिसरातील लोकांना मोठा धक्काबसला आहे.
संबंधितांचे आक्रोश आणि न्यायाची अपेक्षा
या दुर्घटनेमुळे आगीत जळून मृत झालेल्या बालकांच्या पालकांचा संताप आणि दु:ख व्यक्त करताना त्यांच्या डोळ्यातून अश्रू ओघळत होते. त्यांनी न्यायासाठी जोरदार मागणी केली असून, ही घटना सर्वांसाठी धडा ठरेल, अशी अपेक्षा व्यक्त केली जात आहे.
Support Jaaglyabharat.com
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on NOV 17,2024 |22:59 PM
WebTitle – father-Yakub Mansuri -saves-others-babies-could-not-save-his-twins-fire-tragedy
