5 वर्षांच्या चिमुकलीसोबत मद्यधुंद पोलिसाचं भयंकर कृत्य ; 'पोलिसकाकांनी मला मागे नेलं आणि…'

26 डिसेंबर 2024 |पुणे: 5 वर्षांच्या चिमुकलीसोबत मद्यधुंद पोलिसाचं भयंकर कृत्य उघडकीस आल्याने खळबळ.घटनास्थळावर हळहळ व्यक्त केली जात आहे,सुट्ट्यांमुळे पर्यटनस्थळांवर गर्दी होत असताना, लोकांच्या सुरक्षेसाठी पोलिसांचा कडेकोट बंदोबस्त ठेवण्यात आला आहे. मात्र लोणावळ्याजवळ एका पर्यटनस्थळावर रक्षण करणाऱ्या पोलिसानेच भक्षकाची भूमिका घेतल्याची धक्कादायक घटना उघडकीस आली आहे. या घटनेने पोलिस दलावर प्रश्नचिन्ह उभं केलं आहे.

दारुच्या नशेत असलेल्या एका पोलिसाने 5 वर्षांच्या चिमुकलीसोबत गैरवर्तन केल्याची माहिती समोर आली आहे. ही घटना विसापूर किल्ल्याच्या पायथ्याशी घडली. पीडित मुलीच्या कुटुंबीयांनी या घटनेबद्दल संताप व्यक्त करत, “पोलिसच जर असे वागायला लागले तर आम्ही संरक्षणासाठी कुणाकडे दाद मागायची?” असा सवाल उपस्थित केला आहे.

5 वर्षांच्या चिमुकलीसोबत मद्यधुंद पोलिसाचं वर्तन

घटनेच्या दिवशी, आरोपी सचिन सस्ते, जो लोणावळा ग्रामीण पोलीस ठाण्यात कार्यरत आहे, तो विसापूर किल्ल्याजवळच्या एका हॉटेलमध्ये दारुच्या नशेत होता. या हॉटेलबाहेर खेळत असलेल्या चिमुकलीला त्याने पाहिलं आणि तिच्याशी जवळीक साधण्याचा प्रयत्न केला. चिमुकलीला त्याने मागे ओढून नेलं आणि तिच्यासोबत अश्लील कृत्य केलं.

चिमुकलीने त्याला विरोध केला तेव्हा आरोपीने तिला चॉकलेटचं आमिष दाखवलं आणि “घरी कुणाला सांगू नको,” अशी धमकी दिली. मात्र, घाबरलेली चिमुकली रडत रडत घरी गेली आणि संपूर्ण प्रकार आपल्या आईला सांगितला.

आई आणि आजीने दिली तक्रार

चिमुकलीच्या आईने आणि आजीने पोलिसांत तक्रार दाखल केली. तक्रारीनुसार, चिमुकलीने सांगितलं की “पोलीसकाकांनी मला मागे नेलं आणि माझ्या अंतर्वस्त्रांमध्ये हात घातला.” या घटनेनंतर आरोपी पोलिसाला तत्काळ अटक करण्यात आली.

5 वर्षांच्या चिमुकलीसोबत मद्यधुंद पोलिसाचं वर्तन समोर आल्याने पोलिस दलावर प्रश्नचिन्ह

आरोपी सचिन सस्तेला ज्या पोलिस ठाण्यात तो कार्यरत होता, त्याच ठाण्याच्या पोलिसांनी अटक केली.

या घटनेमुळे पोलिस दलाच्या प्रतिमेला मोठा धक्का बसला आहे. “जर संरक्षण देणाऱ्या पोलिसांकडूनच असा अन्याय होऊ लागला, तर लोकांनी संरक्षणासाठी कुणाकडे जायचं?” असा संतापजनक सवाल उपस्थित करण्यात आला आहे.

घटनास्थळावर हळहळ व्यक्त

घटनेच्या वेळी विसापूर किल्ल्यावर पर्यटकांची मोठी गर्दी होती.

हॉटेलमधून भाकरी खरेदी करून जेवणानंतर आरोपीने हे कृत्य केलं.ही घटना समोर आल्यानंतर स्थानिकांनी या प्रकारावर हळहळ व्यक्त केली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.