क्लीन अप मार्शल योजना बंद: मुंबईतून 'स्वच्छता सैनिकां'ची हकालपट्टी

26 मार्च 2025 |मुंबई : मुंबई महानगरपालिकेने सार्वजनिक ठिकाणी स्वच्छता राखण्यासाठी सुरू केलेली क्लीन अप मार्शल योजना आता बंद करण्यात येणार आहे. या योजनेअंतर्गत नियुक्त केलेल्या स्वच्छता सैनिकांना (क्लीन अप मार्शल) कायमस्वरूपी कामावरून हटविण्याचा निर्णय प्रशासनाने घेतला असल्याची माहिती मिळत आहे. लोकांकडून या मार्शलविरोधात तक्रारी वाढल्यामुळे हा निर्णय घेण्यात आला आहे.

महापालिकेच्या अधिकृत सूत्रांनी सांगितले की, क्लीन अप मार्शल योजना अंतर्गत नियुक्त केलेल्या सर्व संस्थांचे करार लवकरच रद्द करण्यात येतील. ४ एप्रिल २०२४ पासून सुरू झालेल्या या योजनेअंतर्गत प्रत्येक प्रभागात ३० मार्शल नियुक्त करण्याचे नियम असले तरी प्रत्यक्षात यापेक्षा जास्त मार्शल नियुक्त करून आणि खासगी वेशात फिरून दंड आकारण्याच्या नावाखाली गैरप्रकार केल्याच्या तक्रारी वारंवार येत होत्या.

महापालिकेच्या अतिरिक्त आयुक्त डॉ. अश्विनी जोशी यांनी २० फेब्रुवारी रोजी या योजनेचा आढावा घेतला होता. या आढाव्यात असे लक्षात आले की, योजना सुरू झाल्यापासून १८ फेब्रुवारी २०२५ या ११ महिन्यांच्या कालावधीत १,४०,५८४ नागरिकांकडून ४ कोटी ५४ लाख ५१ हजार ४१२ रुपये दंड वसूल करण्यात आला. तथापि, या बैठकीनंतरही मार्शलच्या वर्तनात कोणताही सुधारणा झाली नाही.

क्लीन अप मार्शल योजना clean-up-marshals-scheme-scrapped-mumbai-bmc — clean-up-marshals-scheme-scrapped-mumbai-bmc

क्लीन अप मार्शल योजना- भवितव्य

प्रशासनाकडून मिळालेल्या माहितीनुसार, नवीन आर्थिक वर्षापासून ही योजना पूर्णतः बंद करण्यात येईल.

योजनेअंतर्गत काम करणाऱ्या सर्व मार्शलना कायमस्वरूपी कामावरून हटविण्यात येईल.

सध्या याबाबतची अधिकृत प्रक्रिया सुरू असून, लवकरच प्रशासनाकडून अधिकृत घोषणा करण्यात येईल.

महापालिकेच्या अधिकाऱ्यांनी स्पष्ट केले की, या योजनेचा उद्देश सार्वजनिक स्वच्छता राखणे हा होता,

परंतु प्रत्यक्षात याचा गैरवापर करून नागरिकांना त्रास देण्याच्या घटना वाढल्या आहेत.

अनेकदा मार्शल अस्वच्छता करणाऱ्यांना दंड करण्याऐवजी निरपराध नागरिकांना छळत असल्याच्या तक्रारी आल्या होत्या.

महानगरपालिकेच्या एका वरिष्ठ अधिकाऱ्याने नाव न घेतता सांगितले, “या योजनेचा मूळ उद्देश सार्वजनिक स्वच्छतेसाठी जागरूकता निर्माण करणे हा होता. परंतु प्रत्यक्षात याचा वापर नागरिकांवर अत्याचार करण्यासाठी होत असल्याचे आमच्या लक्षात आले आहे. म्हणूनच हा कठोर निर्णय घेण्यात आला आहे.”

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.