बीड च्या मशिदीत स्फोट या कारणामुळे पोलिसांनी घेतले आरोपीला ताब्यात

30 मार्च 2025 : बीड | रविवारी मध्यरात्री अडीच वाजता बीड जिल्ह्यातील अर्धमसला गावातील मशिदीत स्फोट घडवून आणण्यात आला. या घडलेल्या स्फोटाचं गूढ पोलिसांनी उलगडून काढलं आहे. अवघ्या तीन-चार तासांच्या तपासात पोलिसांना या घटनेमागचं धक्कादायक कारण समजलं आहे. बीडचे पोलीस अधीक्षक नवनीत कांवत यांनी याबाबतची तपशीलवार माहिती पत्रकारांना दिली.

मिळालेल्या माहितीनुसार, आरोपी व्यक्तीने मशिदीत जाऊन जिलेटिनच्या कांड्या वापरून हा स्फोट घडवला होता. स्फोट झाल्यानंतर अर्धमसला गावच्या सरपंचांनी तातडीने पोलिसांना माहिती दिली. सरपंचांच्या सहकार्यामुळे पोलिसांनी सकाळी सहा वाजता दोन आरोपींना अटक केली आहे. पोलीस अधीक्षक कांवत यांनी सर्वांना शांततेचे आवाहन केलं आहे.

बीड मशिदीत स्फोट : तपासात समोर आलेले महत्त्वाचे तपशील

पोलीस अधीक्षक नवनीत कांवत यांनी स्पष्ट केलं की, “मशिद स्फोट प्रकरणी तलवाडा पोलीस ठाण्यात गुन्हा दाखल करण्यात आला आहे. दोन आरोपींना ताब्यात घेतलं आहे. गावात शांतता आहे. बीड जिल्ह्यातील सर्व नागरिकांनी शांतता राखावी.”

त्यांनी पुढे म्हटलं, “ही घटना अत्यंत निंदनीय आहे. पोलिसांनी त्वरित कारवाई करून अवघ्या काही तासांत आरोपींना पकडलं आहे.आम्ही आमच्या शंभर टक्के काम केलं आहे. लोकांनी शांततेत रहावं. दोन्ही सण शांततेत साजरे करावेत.“

बीड मशिदीत स्फोट : घटनेमागचं प्रमुख कारण

पोलीस सूत्रांनी दिलेल्या माहितीनुसार, विजय रामा गव्हाणे, श्रीराम अशोक सागडे अशा दोन लोकांविरुद्ध गुन्हा दाखल झाला आहे.

बीड मधील धक्कादायक प्रकार, रमजान अगोदर दोन तरुणांकडून मस्जिदीत जिलेटीन बॉंम्बचा स्फोट,
स्फोटात मस्जिदीची फर्शी फुटली तर भिंतींना तडे. आरोपी विजय गव्हाणे याने जिलेटीन काडांचा व्हिडीओ इंस्टाग्रामला टाकला

आरोपींची नावं

1) विजय राम गव्हाणे
2) श्रीराम अशोक सागडे
— Ajay (@AjayDhanje) March 30, 2025

उरूस मिरवणुकीत झालेल्या किरकोळ वादामुळे हा स्फोट घडवण्यात आला होता.

स्फोट घडवताना आरोपी दारूच्या नशेत होते, अशी प्राथमिक माहिती पोलिसांकडे आहे.

आरोपीने instagram वर केला व्हिडिओ शेअर

मशिदीत स्फोट घडवण्यापुर्वी आरोपीने जिलेटीनच्या कांड्यांसमोर जीवघेण्या पद्धतीने सिगारेट ओढतानाचा एक व्हिडिओ सध्या व्हायरल होत आहे.

स्फोटापुर्वी विजय गव्हाणेने हे रील तयार करून इन्स्टाग्राम वर शेअर केलं होतं.

बीडच्या अर्धमसला गावातल्या मशिदीत स्फोट घडवण्यापुर्वी आरोपी जिलेटीनच्या कांड्यांसमोर जीवघेण्या पद्धतीने सिगारेट ओढताना…
स्फोटापुर्वी गव्हाणेने हे रील तयार केलं. pic.twitter.com/hkQ35QIQmX
— Saurabh Koratkar (@saurabhkoratkar) March 30, 2025

गावातील मुस्लिम समुदायाच्या प्रतिनिधींनीही शांततेचे आवाहन केलं आहे. त्यांनी सांगितलं की,

“घटनेनंतर मशिद स्वच्छ केली आहे. गावातील सर्व लोक एकत्रित राहत आहेत. कोणत्याही अफवांवर विश्वास ठेवू नये.”

पोलिसांनी या प्रकरणाची तपासणी जोरात सुरू ठेवली असून, आरोपींच्या पुढील चौकशीतून अधिक माहिती मिळण्याची शक्यता आहे. सध्या गावातील परिस्थिती नियंत्रणात आहे अशी माहिती पोलिसांनी दिली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.