तड़ीपारमाफ़ीमांग ट्रेंड होतेय ; आंबेडकर, आंबेडकर म्हणायची फॅशन, एवढे देवाचे नाव घेतले असते तर स्वर्ग मिळाला असता; अमित शाह यांच्या वक्तव्यावरून विरोधक आक्रमक

नवी दिल्ली: राज्यसभेत संविधान चर्चेदरम्यान केंद्रीय गृहमंत्री अमित शाह यांनी विरोधकांवर जोरदार टीका करताना आंबेडकर यांच्यावर केलेल्या वक्तव्यावरून वादाला तोंड फुटले आहे. विरोधकांनी अमित शहा यांच्यावर डॉक्टर बाबासाहेब आंबेडकर यांचा अपमान केल्याचा आरोप केला असून त्यांना देशाची माफी मागण्याची मागणी केली आहे.

अमित शहा यांचे वक्तव्य

राज्यसभेत बोलताना अमित शाह म्हणाले आंबेडकर, “आंबेडकर, आंबेडकर असे सतत म्हणणे ही आता विरोधकांमध्ये फॅशन झाली आहे. जर तुम्ही एवढ्याच वेळा देवाचे नाव घेतले असते, तर तुम्हाला सात जन्म स्वर्गप्राप्ती झाली असती.” या वक्तव्याच्या शेवटी शहा यांनी स्पष्ट केले, “आंबेडकरांचे नाव १०० वेळा घ्या, पण मी तुम्हाला आंबेडकरांबद्दल खरे काय वाटते ते सांगणार आहे.”

विरोधकांचा हल्लाबोल

शहा यांच्या या वक्तव्यावर काँग्रेस आणि अन्य विरोधकांनी जोरदार प्रतिक्रिया दिल्या आहेत. काँग्रेस नेते जयराम रमेश यांनी अमित शहा यांच्या भाषणाचा व्हिडीओ पोस्ट करत लिहिले, “द्वेष एवढा आहे की बाबासाहेबांचे नाव घेतल्यावरही चिडतात. हे तेच लोक आहेत ज्यांचे पूर्वज बाबासाहेबांचे पुतळे जाळत असत आणि आजही संविधान बदलण्याची भाषा करतात.”

आंबेडकर, आंबेडकर म्हणायची फॅशन, एवढे देवाचे नाव घेतले असते तर स्वर्ग मिळाला असता

राहुल गांधी यांनीदेखील यावर ट्विटरवर टीका करत म्हटले, “जे मनुस्मृतीवर विश्वास ठेवतात, त्यांना आंबेडकरांबाबत नक्कीच समस्या असणार.”

माफीची मागणी

विरोधकांनी अमित शहा यांच्यावर जोरदार हल्ला चढवत त्यांच्याकडून माफी मागण्याची मागणी केली आहे. जयराम रमेश यांनी म्हटले, “हे लज्जास्पद आहे. बाबासाहेबांचे अपमान करणाऱ्यांना देशाची माफी मागावी लागेल.”

संसदेतील राजकारण तापले

या प्रकरणामुळे संसदेत वादंग निर्माण होण्याची शक्यता आहे. भाजपाचे नेते अमित शहा यांच्या या विधानावरून पुन्हा एकदा आंबेडकरांच्या नावावरून राजकारण पेटण्याचे चिन्ह दिसत आहे.

Support Jaaglyabharat.com, – Your Small Contribution, A Big Step Towards Change!

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.