संभाजीनगर:आंबेडकर पुतळ्यासमोरील डिजिटल बोर्डचे नुकसान, माथेफिरू पोलिसांच्या ताब्यात

23 जानेवारी 2025|छत्रपती संभाजीनगर: डॉ.बाबासाहेब आंबेडकर मराठवाडा विद्यापीठ गेटसमोरील डॉक्टर बाबासाहेब आंबेडकर यांच्या पुतळ्यासमोरील उभारलेल्या डिजिटल बोर्डचं एका माथेफिरूने नुकसान केल्याची घटना घडली आहे. या घटनेनंतर पोलिसांनी संबंधित माथेफिरूला तात्काळ ताब्यात घेतले असून परिस्थिती नियंत्रणात आणली आहे.

संभाजीनगर:आंबेडकर पुतळ्यासमोरील डिजिटल बोर्डचे नुकसान ; काय घडले नेमके?

विद्यापीठाच्या प्रवेशद्वारासमोर भारतीय घटनेचे शिल्पकार डॉक्टर बाबासाहेब आंबेडकर यांचा पूर्णाकृती पुतळा उभारण्यात आलेला आहे. पुतळ्याखाली “The Symbol of Knowledge – Dr. B. R. Ambedkar” असा डिजिटल बोर्ड बसवण्यात आला होता. मात्र, आज सायंकाळी एका माथेफिरूने या बोर्डवर चाकूने वार करून अक्षरे खराब करण्याचा प्रयत्न केला.

जमावाने व्यक्त केली संतापाची प्रतिक्रिया

ही घटना लक्षात येताच परिसरातील नागरिक जमले. काही संतप्त लोकांनी माथेफिरूस चांगलाच धडा शिकवला.

संभाजीनगर आंबेडकर पुतळ्यासमोरील विटंबना ambedkar-statue-board-damage-incident-in-chhatrapati-sambhajinagar — ambedkar-statue-board-damage-incident-in-chhatrapati-sambhajinagar

घटनेची माहिती मिळाल्यानंतर पोलिसांनी तातडीने घटनास्थळी पोहोचून माथेफिरूस ताब्यात घेतले.

माथेफिरूविषयी पोलिसांचे निवेदन

पोलिस तपासात समोर आले की, माथेफिरूचे नाव कांबळे असून, तो मानसिक आजाराने त्रस्त असल्याचा प्राथमिक अंदाज आहे. तसेच तो नशेच्या आहारी गेला असल्याचेही निष्पन्न झाले आहे.तसेच आरोपीने अगोदर एका मुलीवर देखील चाकूने हल्ला केल्याची प्राथमिक माहिती समोर आली असून त्याबाबत पोलिस तपास करत असल्याचे पोलिसांनी सांगितले आहे.

शांततेचे आवाहन

पोलिस उपायुक्त नितीन बगाटे यांनी नागरिकांना शांतता राखण्याचे आवाहन केले आहे. “घटनास्थळी परिस्थिती नियंत्रणात आहे. कृपया कोणीही अफवांना बळी पडू नये,” असे त्यांनी स्पष्ट केले.

पुतळ्याच्या संरक्षणासाठी अधिक खबरदारी

या घटनेनंतर डॉ. बाबासाहेब आंबेडकरांच्या पुतळ्याच्या संरक्षणासाठी अधिक खबरदारी घेण्याचे निर्देश प्रशासनाने दिले आहेत.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.