केरळमध्ये घटता जन्मदर रोखण्यासाठी VHP चा आंतरजातीय विवाहांना प्रोत्साहन देण्याचा निर्णय

केरळमध्ये हिंदू समाजातील घटता जन्मदर आणि विवाहाला होणारा विलंब लक्षात घेऊन विश्व हिंदू परिषदेने (VHP) आंतरजातीय विवाहांना प्रोत्साहन देण्याचा निर्णय घेतला आहे. समाजात रूढ असलेल्या जातीय अटी आणि कुंडली जुळवण्याच्या प्रथेमुळे अनेक विवाह लांबत असल्याचे संघटनेचे म्हणणे आहे.

कोची येथे झालेल्या VHPच्या राज्यस्तरीय बैठकीत याबाबत निर्णय घेण्यात आला. केरळमधील अनेक लहान हिंदू समुदाय आणि उपजातींमध्ये स्वतःच्या जातीत योग्य जोडीदार शोधणे कठीण होत असल्याने तरुण-तरुणींचे विवाह लांबत आहेत, असा दावा VHPने केला आहे. त्याचा परिणाम जन्मदरावर होत असल्याचेही संघटनेचे म्हणणे आहे.

VHP केरळचे राज्य सरचिटणीस अ‍ॅड. अनिल विलायिल यांच्या म्हणण्यानुसार, काही समुदायांमध्ये विवाहासाठी उपलब्ध जोडीदारांची संख्या मर्यादित आहे. त्यातच ‘जातक पोरुथम’ अर्थात कुंडली जुळवण्याच्या अटींमुळे काही विवाह प्रस्ताव नाकारले जातात. त्यामुळे विवाहासाठी जात आणि कुंडली जुळवणीला निर्णायक निकष न मानण्याची भूमिका संघटनेने घेतली आहे.

या पार्श्वभूमीवर VHPकडून स्वतंत्र ऑनलाइन वैवाहिक पोर्टल सुरू करण्याची तयारी करण्यात येत आहे. या प्लॅटफॉर्मवर विविध जाती आणि समुदायांमधील हिंदू तरुण-तरुणींना जोडीदार शोधण्याची संधी उपलब्ध करून देण्याचा प्रस्ताव आहे. शिक्षण, व्यवसाय, आर्थिक स्थिती आणि इतर वैयक्तिक बाबींच्या आधारे माहिती उपलब्ध करून देण्यावर भर दिला जाणार असल्याचे वृत्त आहे.

केरळमधील जन्मांची आकडेवारी

केरळ सरकारच्या आकडेवारीनुसार, २०२४ मध्ये राज्यात एकूण ३,४४,७६६ जन्मांची नोंद झाली. त्यापैकी १,३५,७५३ बालके हिंदू मातांच्या पोटी जन्माला आली. हे एकूण जन्मांच्या सुमारे ३९ टक्के आहे.

२०११ च्या जनगणनेनुसार केरळच्या एकूण लोकसंख्येत हिंदूंचे प्रमाण सुमारे ५४ टक्के होते. या आकडेवारीच्या पार्श्वभूमीवर हिंदू समाजातील जन्मांचे प्रमाण आणि एकूण लोकसंख्येतील वाटा याबाबत VHPने चिंता व्यक्त केली आहे.

कुंडली जुळवणीबाबत VHPची भूमिका अन आंतरजातीय विवाह

‘जाथका पोरुथम’ अर्थात कुंडली जुळवणी हा केरळमधील विवाह प्रक्रियेतील एक प्रचलित निकष आहे.

मात्र, केवळ कुंडली जुळत नसल्यामुळे विवाह प्रस्ताव नाकारले जाऊ नयेत, अशी भूमिका VHPने घेतली आहे.

संघटनेने ज्योतिषशास्त्र किंवा ज्योतिषांचा विरोध करण्याचा उद्देश नसल्याचेही स्पष्ट केले आहे.

VHPच्या मते, जातीय मर्यादा आणि कुंडलीसंबंधी अटी यामुळे विवाहाचे वय वाढत असल्याने त्यावर उपाय करण्याची गरज आहे.

त्यामुळे आंतरजातीय विवाहांना प्रोत्साहन देण्याबरोबरच विवाहासाठी उपलब्ध पर्यायांचा विस्तार करण्याचा प्रयत्न केला जाणार आहे.

पारंपरिक विवाहसंस्कारांबाबत प्रश्न

VHPच्या या निर्णयामुळे हिंदू विवाहातील पारंपरिक प्रथा आणि संस्कारांबाबतही चर्चा सुरू झाली आहे. कुंडली जुळवणी,

अग्निसाक्षी, सप्तपदी आणि इतर धार्मिक विधी यांचे स्थान या नव्या व्यवस्थेत काय असेल, हा प्रश्न उपस्थित होत आहे.

मात्र, VHPच्या प्रस्तावामुळे विवाहाच्या धार्मिक विधींमध्ये प्रत्यक्ष कोणते बदल केले जाणार आहेत, याबाबत अद्याप स्पष्ट माहिती समोर आलेली नाही.

प्रस्तावित वैवाहिक व्यासपीठाची रचना,त्यावरील निकष आणि विवाहाच्या धार्मिक पद्धतींबाबतची

भूमिका जाहीर झाल्यानंतर याबाबत अधिक स्पष्टता येण्याची शक्यता आहे.

VHP केरळच्या या निर्णयामुळे जात, आंतरजातीय विवाह, कुंडली जुळवणी, विवाहसंस्कार

आणि लोकसंख्याशास्त्र या विषयांवर नव्याने चर्चा सुरू झाली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.