देहरादूनमध्ये उत्तर-पूर्वीय तरुण एंजल चकमा यांची वंशभेद अन शिवीगाळीनंतर निर्घृण हत्या; देशभर संताप

देहरादून / अगरतळा| 30-12-2025 : उत्तराखंडची राजधानी देहरादून येथे उत्तर-पूर्व भारतातील एका तरुणाची निर्घृण हत्या झाल्याची धक्कादायक घटना समोर आली आहे. त्रिपुराचे रहिवासी आणि 24 वर्षीय एमबीए विद्यार्थी एंजल चकमा यांचा वंशभेद चिडवाचिडविच्या वादातून जीव गेला आहे. या घटनेमुळे देशभरात संतापाची लाट उसळली असून, उत्तर-पूर्वीय भारतीयांच्या सुरक्षेचा प्रश्न पुन्हा एकदा ऐरणीवर आला आहे.

ही घटना 9 डिसेंबर 2025 रोजी देहरादूनमधील सेलाकुई परिसरात घडली. एंजल चकमा आपल्या धाकट्या भावासोबत किराणा सामान खरेदीसाठी बाहेर गेले असताना, सहा जणांच्या एका गटाने त्यांना अडवले. या हल्लेखोरांनी अंजेल आणि त्यांच्या भावावर “चीनी”, “चिंकी”, “मोमो” अशा अपमानास्पद आणि वंशभेद करणाऱ्या शिव्यांचा भडिमार केला.

या वेळी एंजल चकमा यांनी कोणताही आक्रमक पवित्रा न घेता शांतपणे विरोध केला.

त्यांनी स्पष्ट शब्दांत सांगितले,

“मी चीनी नाही. मी भारतीय असून मला भारताचा अभिमान आहे.”

मात्र या उत्तरानंतर परिस्थिती अधिक चिघळली. हल्लेखोरांनी अंजेलवर चाकू आणि कड्याने प्राणघातक हल्ला केला.

या हल्ल्यात अंजेल यांच्या डोक्याला, मानेस आणि पोटाला गंभीर जखमा झाल्या.

हल्ला इतका भीषण होता की त्यांचा स्पाइनल कॉर्ड गंभीररीत्या खराब झाला.

एंजल चकमा यांना तात्काळ रुग्णालयात दाखल करण्यात आले. त्यांनी 17 दिवस मृत्यूशी झुंज दिली,

मात्र अखेर 26 डिसेंबर 2025 रोजी उपचारादरम्यान त्यांचा मृत्यू झाला.

पोलिस कारवाई आणि वादग्रस्त भूमिका,मुख्य आरोपी फरार

या प्रकरणात देहरादून पोलिसांनी आतापर्यंत 5 आरोपींना अटक केली आहे. यामध्ये 2 अल्पवयीन आरोपींचा समावेश आहे. मात्र या प्रकरणातील मुख्य आरोपी यज्ञ अवस्थी अद्याप फरार आहे. तो नेपाळी वंशाचा असल्याचे सांगितले जात असून, तो नेपाळमध्ये पळून गेल्याची शक्यता पोलिसांकडून वर्तवण्यात येत आहे. त्याच्या अटकेसाठी 25,000 रुपयांचे बक्षीस जाहीर करण्यात आले आहे.

अंजेल चकमा यांच्या मृत्यूनंतर या प्रकरणातील गुन्ह्याचा दर्जा वाढवण्यात आला असून,

आता तो हत्येचा गुन्हा (भारतीय न्याय संहिता – BNS कलम 103(1)) म्हणून नोंदवण्यात आला आहे.

मात्र या संपूर्ण प्रकरणात पोलिसांची भूमिका वादाच्या भोवऱ्यात सापडली आहे.

देहरादूनचे वरिष्ठ पोलीस अधीक्षक अजय सिंह यांनी प्राथमिक तपासाच्या आधारे सांगितले की,

“या घटनेत वंशभेद भेदभावाचे ठोस पुरावे अद्याप सापडले नाही. हा प्रकार गैरसमज आणि वैयक्तिक वादातून घडला आहे. हल्लेखोरांमध्येही उत्तर-पूर्वीय व्यक्ती होती, त्यामुळे याला नस्लीय हेट क्राइम म्हणता येणार नाही.”

या वक्तव्यावर एंजल चकमा यांचे कुटुंबीय, उत्तर-पूर्वीय संघटना आणि सामाजिक कार्यकर्त्यांनी तीव्र नाराजी व्यक्त केली आहे.

एंजलचे वडील तरुण प्रसाद चकमा यांनी आरोप केला आहे की,
पोलिसांनी सुरुवातीला एफआयआर नोंदवण्यास विलंब केला आणि या घटनेला “छोटी गोष्ट” म्हणून दुर्लक्ष करण्याचा प्रयत्न केला.

भावाने दिलेल्या जबानीत वंशभेद झाल्याचा स्पष्ट उल्लेख असताना पोलिस वेगळी भूमिका घेताना दिसतात.

राजकीय आणि सामाजिक प्रतिक्रिया

या घटनेनंतर देशभरातून तीव्र प्रतिक्रिया उमटल्या आहेत.
काँग्रेस नेते राहुल गांधी, समाजवादी पक्षाचे अखिलेश यादव, आम आदमी पक्षाचे अरविंद केजरीवाल आणि काँग्रेस नेते शशी थरूर यांनी या हत्येचा तीव्र शब्दांत निषेध केला आहे. त्यांनी या घटनेला भाजप सरकारच्या ‘नफरत पसरवणाऱ्या राजकारणाचा परिणाम’ असल्याचा आरोप केला आहे.

उत्तराखंडचे मुख्यमंत्री पुष्कर सिंह धामी यांनी अंजेल चकमा यांच्या कुटुंबीयांशी दूरध्वनीवरून संवाद साधत न्यायाचे आश्वासन दिले आहे.

त्यांनी कुटुंबाला आर्थिक मदत जाहीर केली असून, दोषींवर कठोर कारवाई केली जाईल, असे सांगितले आहे.

दरम्यान, त्रिपुरा राज्यात या घटनेविरोधात मोठ्या प्रमाणावर आंदोलने सुरू आहेत. विविध ठिकाणी कॅंडल मार्च काढण्यात आले.

उत्तर-पूर्वीय विद्यार्थ्यांच्या सुरक्षेसाठी राष्ट्रीय पातळीवर विशेष कायदा करण्यात यावा, अशी जोरदार मागणी आंदोलकांकडून केली जात आहे.

या प्रकरणाची दखल राष्ट्रीय मानवाधिकार आयोग (NHRC) आणि राष्ट्रीय आदिवासी आयोगाने देखील घेतली असून,

उत्तराखंड सरकार आणि देहरादून पोलिसांना नोटीस बजावण्यात आली आहे.

उत्तर-पूर्वीय भारतीयांविरुद्ध असलेल्या वंशभेदाचे दाहक उदाहरण

अंजेल चकमा यांची हत्या ही उत्तर-पूर्वीय भारतीयांविरोधात मुख्य भारतातील काही भागांत रुजलेल्या वंशभेदभावादाचे (Racism) दाहक उदाहरण असल्याचे अनेक सामाजिक संघटनांचे मत आहे. “चिंकी”, “चीनी” अशा शब्दांचा वापर हा केवळ अपमान नसून, तो हिंसेला जन्म देणारा मानसिकतेचा भाग असल्याचेही तज्ज्ञांचे म्हणणे आहे.

अशा घटना रोखण्यासाठी केवळ पोलिस कारवाई पुरेशी नसून, कठोर कायदे, संवेदनशील पोलीस व्यवस्था आणि व्यापक सामाजिक जागृती आवश्यक असल्याचा सूर सर्वत्र उमटत आहे.

“आम्ही चिनी नाही, आम्ही भारतीय आहोत,” – भाजपा नेता

नागालँडचे शिक्षण मंत्री आणि भाजपा नेते टेमजेन इम्ना अलॉंग यांनी उत्तराखंडमध्ये त्रिपुरातील विद्यार्थी अंजेल चकमा यांच्या निर्घृण हत्येनंतर उत्तर-पूर्वीय नागरिकांविरोधात होत असलेल्या वंशभेद शिवीगाळीचा तीव्र निषेध केला आहे. ही घटना अत्यंत धक्कादायक असल्याचे सांगत त्यांनी राष्ट्रीय एकात्मता आणि प्रत्येक नागरिकाच्या सन्मानावर भर दिला.

“आम्ही चिनी नाही, आम्ही भारतीय आहोत,” असे ठामपणे सांगत टेमजेन इम्ना अलॉंग यांनी स्पष्ट केले की अरुणाचली, नागा, मणिपुरी किंवा त्रिपुरी—उत्तर-पूर्वेतील प्रत्येक नागरिक भारताचा अविभाज्य भाग आहे. उत्तर-पूर्वीय लोकांविरोधात होणारे वांशिक प्रोफाइलिंग आणि ठराविक साच्यात बसवणारे आरोप पूर्णपणे अस्वीकार्य असून ते थांबलेच पाहिजेत, असे त्यांनी नमूद केले.

दररोजच्या आयुष्यात दिसून येणाऱ्या तथाकथित “कॅज्युअल रेसिझम”वरही त्यांनी भाष्य केले.

सांस्कृतिक ओळखींचा अपमानासाठी वापर केला जात असल्याचा उल्लेख करत,

मोमोजसारखे पदार्थ उपभोगासाठी आहेत, अपमानासाठी नाहीत, असे त्यांनी ठणकावून सांगितले.

टेमजेन इम्ना अलॉंग यांच्या या भूमिकेमुळे वांशिक स्टीरिओटाइप्स संपवणे, परस्पर आदर वाढवणे

आणि विशेषतः उत्तर-पूर्व भारतातील विद्यार्थी व नागरिकांसाठी सुरक्षितता व सन्मान सुनिश्चित करणे किती आवश्यक आहे, हे अधोरेखित झाले आहे.

Itanagar, Arunachal Pradesh: On the Tripura student death in Uttarakhand, Nagaland Minister Temjen Imna Along says, "…In any way, we don't consider ourselves Chinese, and in any form, we are not 'momos'…" pic.twitter.com/MJeSaBiX1k
— IANS (@ians_india) December 29, 2025

अंजेल चकमा हत्या प्रकरणानंतर देशभरात वाढलेल्या संतापाच्या पार्श्वभूमीवर,

वांशिक द्वेष आणि हिंसाचाराविरोधात कठोर पावले उचलण्याची गरज पुन्हा एकदा समोर आली आहे.

अंजेल चकमा यांना भावपूर्ण श्रद्धांजली अर्पण करण्यात येत आहे.

त्यांच्या कुटुंबाला हे अपार दुःख सहन करण्याची शक्ती मिळो, अशी भावना सर्व स्तरांतून व्यक्त केली जात आहे.

टीप: ही बातमी विविध विश्वसनीय हिंदी आणि इंग्रजी माध्यमांमधील माहितीच्या आधारे संकलित करण्यात आली आहे,

ज्यामध्ये टाइम्स ऑफ इंडिया, एनडीटीव्ही, द हिंदू, टीव्ही9 आदी स्रोतांचा समावेश आहे.मराठीत यावर कुठेही सविस्तर वृत्त आलेले नाही.

हिंदू रक्षा दलाने तलवारी वाटल्या

उत्तर प्रदेश | ही बातमी संपादन करत असताना आणखी एक बातमी जी याच मुद्यावर संबंधित आहे ती समोर आली.गाझियाबादमध्ये हिंदू रक्षा दलाने (HRD) तलवारी वाटल्या. व्हिडिओनंतर पोलिसांनी मानव संसाधन विकास विभागाच्या अध्यक्षा पिंकी चौधरीसह १६ जणांची नावे आणि सुमारे ३० अज्ञात कार्यकर्त्यांविरुद्ध एफआयआर दाखल केला. आतापर्यंत दहा आरोपींना अटक करण्यात आली आहे; पुढील तपास सुरू आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.

जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही. आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.

आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.

तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.

थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.