राजस्थान 24-12-2025 : सध्या देशभरात एक गंभीर आणि चिंताजनक विषय चर्चेत आहे. २०१५ च्या UPSC परीक्षेत देशात प्रथम क्रमांक मिळवलेल्या IAS अधिकारी टीना डाबी यांच्या विरोधात सुरू असलेला विषारी प्रचार आणि बदनामी मोहीम.टीना डाबी या दलित (SC) पार्श्वभूमीतील अधिकारी आहेत. त्यांच्या यशापासूनच त्या सातत्याने ट्रोलिंग, टीका आणि बदनामीचा सामना करत आहेत. अलीकडे राजस्थान मधील बाड़मेर येथे झालेल्या विद्यार्थी आंदोलनाशी संबंधित वादाने पुन्हा एकदा हा मुद्दा केंद्रस्थानी आणला आहे.
टीना डाबी यांच्यासोबत राजस्थान येथे घडलेल्या या प्रकरणातील घटनाक्रम समजून घेणे अत्यंत आवश्यक आहे.
२२ डिसेंबर २०२५ रोजी बाड़मेर येथील महाराणा भूपाल कॉलेज अर्थात मुल्तानमल भीखचंद छाजेड महिला महाविद्यालयात परीक्षा शुल्कात तब्बल तीनपट वाढ केल्याच्या निषेधार्थ विद्यार्थ्यांनी आंदोलन सुरू केले. ही शुल्कवाढ राजस्थान विद्यापीठाने केली होती. विद्यार्थ्यांची मागणी स्पष्ट होती – वाढीव शुल्क मागे घ्यावे.
या आंदोलनात सहभागी विद्यार्थी प्रामुख्याने ABVP या आरएसएस संबंधित विद्यार्थी संघटनेशी संबंधित होते.
आंदोलनादरम्यान विद्यार्थ्यांनी जिल्हाधिकारी टीना डाबी यांची भेट घेण्याची मागणी केली. त्या वेळी उपस्थित असलेल्या एका अधिकाऱ्याने चर्चा करताना म्हटले की, टीना डाबी तुमच्यासाठी रोल मॉडेल आहेत.
यावर एका विद्यार्थी नेत्याने उत्तर दिले, “त्या रोल मॉडेल नाहीत, त्या रील स्टार आहेत.”
हा उल्लेख त्यांच्या सोशल मीडिया वरील सक्रियतेकडे होता, जिथे त्या प्रेरणादायी व्हिडिओ शेअर करतात.
खरंतर या घटनेबद्दल टीना डाबी यांना काहीच कल्पना नव्हती,पोलिसांनी स्वत:हून कारवाई केली.मात्र कारवाई का झाली पुढे वाचा.
या घटनेनंतर पोलिसांनी चार विद्यार्थी नेत्यांना ताब्यात घेतले. विद्यार्थ्यांचा आरोप असा होता की, “रील स्टार” हा शब्द वापरल्यामुळेच ही कारवाई झाली.
पोलिसांनी म्हटले की, विद्यार्थ्यांनी रस्ता अडवल्यामुळे आणि कायदा-सुव्यवस्था राखण्यासाठी ही कारवाई करण्यात आली. कोणत्याही अपमानास्पद वक्तव्यामुळे अटक करण्यात आलेली नव्हती.
मात्र याचा राजकीय आणि जातीय फायदा घेण्यासाठी या घटनेनंतर महिला विद्यार्थिनींनी कोतवाली पोलीस ठाण्यात धरणे आंदोलन केले.
परिस्थिती गंभीर बनत असल्याचे लक्षात येताच बाड़मेरचे पोलीस अधीक्षक स्वतः तेथे पोहोचले.
पोलीस प्रशासनाने कारवाई चुकीची होती, असे मान्य करत कोणतीही FIR न नोंदवता विद्यार्थ्यांना सोडण्यात आले.
या प्रकरणावर प्रतिक्रिया देताना टीना डाबी यांनी स्पष्टपणे सांगितले की, हा मुद्दा मुद्दाम उकरून काढून व्हायरल केला गेला. आपण विद्यार्थ्यांच्या मागण्या ऐकल्या असून शुल्कवाढीचा प्रश्न सोडवण्यासाठी प्रयत्न सुरू असल्याचे त्यांनी स्पष्ट केले.
ही सर्व तथ्ये विश्वासार्ह राष्ट्रीय वृत्तस्रोतांमध्येही प्रसिद्ध झालेली आहेत.
कोणत्याही मिडिया रिपोर्टमध्ये कुठेही विद्यार्थ्यांचा अपमान, नागरिकांवर अन्याय किंवा सूडबुद्धीने केलेली कारवाई असा आरोप सिद्ध होत नाही.
तरीही सोशल मीडियावर आणि काही माध्यमांमध्ये हे प्रकरण “टीना डाबी यांनी विद्यार्थ्यांना अटक केली” अशा स्वरूपात चुकीचे नॅरेटीव्ह पसरवले जात आहे.
या बदनामीमागे एक गंभीर सामाजिक मुद्दा दडलेला आहे.
मनुवादी विचारसरणी दलित महिलांना सत्तास्थानी पाहू शकत नाही
टीना डाबी दलित समाजातून आलेल्या महिला अधिकारी आहेत. UPSC मध्ये टॉप केल्यानंतरही त्यांना “आरक्षणामुळे यश” मिळाल्याचे आरोप सहन करावे लागले. नंतर मुस्लिम IAS अधिकाऱ्याशी विवाह केल्यामुळे इस्लामोफोबिक आणि जातीय ट्रोलिंग झाले.
आता सोशल मीडियावर सक्रिय असल्यामुळे त्यांना “रील स्टार” म्हणून कमी लेखले जात आहे.
प्रत्यक्षात हा विरोध त्यांच्या कामगिरीला नाही, तर त्यांच्या सामाजिक ओळखीला आहे, असे स्पष्टपणे दिसते.
ऑनलाइन चर्चांमध्ये असे आरोप करण्यात येत आहेत की, या आंदोलनाचा वापर टीना डाबी यांची प्रतिमा मलीन करण्यासाठी केला जात आहे,
जेणेकरून त्यांच्या जागी उच्च जातीतला अधिकारी नेमला जावा.
काही पोस्ट्समध्ये व्यंगात्मक पद्धतीने विचारले जाते, “दलित IAS अधिकाऱ्यांवर टीका करण्याची हिंमत कशी झाली?”
हे वाक्य विनोद वाटत असले, तरी त्यामागील मानसिकता गंभीर आहे.
मनुवादी विचारसरणी दलित महिलांना सत्तास्थानी पाहू शकत नाही. त्यांच्या कामाकडे दुर्लक्ष करून त्यांच्या व्यक्तिमत्त्वावर, वर्तनावर आणि ओळखीवर हल्ला केला जातो.
या प्रकरणात माध्यमांची भूमिकाही प्रश्नांकित ठरते.
काही न्यूज चॅनेल्सनी हे प्रकरण “IAS अधिकाऱ्यांचा अपमान” किंवा “विद्यार्थ्यांवर दडपशाही” अशा भडक स्वरूपात दाखवले. मात्र मूळ मुद्दा असलेली परीक्षा शुल्कवाढ, विद्यार्थ्यांच्या मागण्या आणि प्रशासनाची भूमिका या सर्व बाबी दुय्यम ठरवण्यात आल्या.किंबहुना त्या दाबल्या गेल्या.
दलित अधिकारी असल्यामुळे टीना डाबी यांच्याबाबत “अधिकारी नागरिकांना त्रास देतात” असे चित्र रंगवले जात आहे, जे वस्तुस्थितीला धरून नाही.
मनुवादी गट म्हणजे ते घटक, जे जातीव्यवस्था टिकवून ठेवू इच्छितात, उच्च जातीय वर्चस्व कायम राहावे अशी त्यांची भूमिका आहे.
अशा मानसिकतेचे लोक दलित महिलांना प्रशासकीय सत्तेत पाहून अस्वस्थ होतात.मग प्रसार माध्यमातील संपादक का असेना.
सोशल मीडियावर पसरवले जाणारे ट्रोलिंग व्हिडिओ, टीकात्मक पोस्ट्स आणि अफवा या संघटित ट्रोल आर्मीचा भाग असल्याचे चित्र स्पष्टपणे दिसते.
या प्रकरणात काही राजकीय व्यक्तींच्या प्रतिक्रियाही चर्चेत आहेत. त्यांच्या पोस्ट्समधून राजकीय आरोप-प्रत्यारोप होत असले, तरी त्याचा फटका थेट एका दलित महिला अधिकाऱ्याला बसत आहे.
तहसीन पूनावाला भाजपचा नेता आहे. त्यांनी तर टीना डाबी यांनाच दोष देत माफी मागण्याचे आवाहन केले आहे.
The BJP government in Rajasthan is allowing IAS Tina Dabi to humiliate the citizens of India & the very same people who voted them. The Chief Minister must immediately have his office step in & have her shunted after she apologizes to We The People .
— Tehseen Poonawalla Official 🇮🇳 (@tehseenp) December 22, 2025
Side note: kick out 50% IAS https://t.co/FcogNrb3fg
यामुळे समाजात जातीय द्वेष, अविश्वास आणि विष पसरवले जात आहे.यात कारण नसताना आरक्षण मुद्दाही आणला गेला.
अनुराधा तिवारी नामक महिला कायम आरक्षण विरोधी ट्विट करताना दिसते,यावेळीही तिने कारण नसताना आरक्षण मुद्दा आणला.
> Use Reservation
— Anuradha Tiwari (@talk2anuradha) December 23, 2025
> Become IAS
> Support social justice
> Promote Ambedkar’s Equality ideas
> Make reels instead of actual work
> Get called reel star by students
> Get them arrested
Imagine someone who flaunted Ambedkar’s photo at her wedding mocking Constitution so openly. pic.twitter.com/W6k80UQ0K7
या कारणामुळे खरा जातीयवादी पोटशूळ
या सगळ्या पार्श्वभूमीवर एक प्रश्न उपस्थित होतो –
दलित महिला अधिकारी सत्तेत असणे आजही काहींना असह्य का वाटते?
नुकतेच टीना डाबी यांना राष्ट्रपतींच्या हस्ते पुरस्कार मिळाला होता.
बाडमेरच्या जिल्हाधिकारी टीना डाबी यांचा जलसंधारणातील महत्त्वाचा उपक्रम; राष्ट्रपतींकडून दोन करोडचा राष्ट्रीय पुरस्कार देऊन गौरव करण्यात आला होता.
यामुळे जातीयवादी समाजाचे पित्त खवळणे साहजिक आहे.
आपल्याच पिण्याची तहान भागवणाऱ्या अधिकाऱ्याला देखील केवळ जात वेगळी म्हणून हे मनुवादी असा त्रास देतात.
टीना डाबी यांचे राजस्थान मधिल काम, विकास,त्यांची प्रशासकीय भूमिका आणि निर्णय यावर चर्चा व्हायला हवी.
जातीवरून, ओळखीवरून आणि वैयक्तिक आयुष्यावरून ट्रोलिंग थांबायला हवे.
अभिव्यक्ती स्वातंत्र्य आहे, पण त्याचा वापर जातीय द्वेषासाठी होता कामा नये.
माध्यमांनी जबाबदारीने वागण्याची गरज आहे. समाजाने जागे होण्याची गरज आहे.
दलित अधिकारी महिलांना निर्भयपणे काम करू द्या. त्यांचे काम पाहा. जातीय चष्म्यातून पाहू नका.यातून तुमचीच जातीय मानसिकता उघड होते.
आवाज उठवा.
हा विषय फक्त एका अधिकाऱ्याचा नाही, तर सामाजिक न्यायाचा आहे.
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.अशा परिस्थितीत स्वतंत्र, प्रामाणिक आणि लोकांच्या बाजूने उभा असलेला मीडिया टिकून राहणे अत्यंत कठीण झाले आहे. म्हणूनच आपला मीडिया मजबूत करणे ही आज काळाची गरज आहे.
जागल्याभारत कोणत्याही कॉर्पोरेट, राजकीय पक्ष किंवा सत्ताकेंद्राच्या दयेवर चालत नाही.
आम्ही तुमच्यासाठी ज्ञान, बातम्या आणि वास्तव मांडतो—तेही कोणताही दबाव न घेता.
आरएसएस ज्या पद्धतीने गुरुदक्षिणा स्वीकारतो—ना व्यक्ती, ना नोंदणीकृत संघटना—त्याच धर्तीवर, तुम्हीही जागल्याभारतवर मिळणाऱ्या ज्ञान, बातम्या आणि माहितीच्या मोबदल्यात छोटीशी आर्थिक मदत देऊ शकता.
तुमची मदत ही केवळ आर्थिक पाठबळ नाही,
ती स्वतंत्र विचारांना दिलेली साथ आहे,
ती सामाजिक न्यायासाठी उभे राहण्याची भूमिका आहे,
ती फेक न्यूजविरोधातील लढ्यातील सहभाग आहे.
थोडीशी मदतही आमच्यासाठी अत्यंत मोलाची आहे.
जागल्याभारतला बळ द्या.
सत्याला बळ द्या.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on DEC 24,2025 | 10:22 AM
WebTitle – Tina Dabi Controversy: Caste-Based Targeting, Media Narrative and the Manuvadi Mindset Exposed
