पाकिस्तानी गुप्तचर संस्थांशी संपर्क ठेवल्याच्या आरोपावरून हवाई दलाचा निवृत्त कर्मचारी अटकेत

असम राज्यातील सोनितपूर जिल्ह्यात राष्ट्रीय सुरक्षेशी संबंधित एक अत्यंत गंभीर प्रकरण उघडकीस आले आहे. भारतीय हवाई दलातील (Indian Air Force) एका निवृत्त कर्मचाऱ्याला पाकिस्तानी गुप्तचर संस्थांशी संपर्क ठेवल्याच्या आरोपावरून पोलिसांनी अटक केली आहे. प्राथमिक तपासात आरोपीने सोशल मीडियाच्या माध्यमातून संवेदनशील कागदपत्रे आणि महत्त्वाची माहिती पाकिस्तानमधील गुप्तचर ऑपरेटिव्ह्ससोबत शेअर केल्याचे समोर आले आहे.

न्यूज एजन्सीने दिलेल्या वृत्तानुसार, सोनितपूर जिल्ह्याचे अतिरिक्त पोलीस अधीक्षक (ASP) हरिचरण भूमिज यांनी शनिवारी ही माहिती दिली. आरोपीविरोधात ठोस गुप्त माहिती (इनपुट) मिळाल्यानंतर पोलिसांनी ही कारवाई केली असल्याचे त्यांनी सांगितले. तपासात असे आढळून आले आहे की आरोपी दीर्घकाळापासून सोशल मीडिया प्लॅटफॉर्मच्या माध्यमातून संशयास्पद परदेशी संपर्कात होता. याच दरम्यान त्याने काही गोपनीय माहिती शेअर केली असल्याचा संशय आहे.

कुलेंद्र शर्मा पाकिस्तानी गुप्तहेर assam-sonitpur-ex-air-force-arrested-pakistan-intelligence-case — assam-sonitpur-ex-air-force-arrested-pakistan-intelligence-case

एक लॅपटॉप आणि एक मोबाईल फोन जप्त

पोलिसांनी आरोपीकडून एक लॅपटॉप आणि एक मोबाईल फोन जप्त केला आहे. ही दोन्ही इलेक्ट्रॉनिक उपकरणे फॉरेन्सिक तपासणीसाठी पाठवण्यात आली आहेत. प्राथमिक चौकशीत आरोपीने काही डेटा डिलीट करण्याचा प्रयत्न केल्याचेही निष्पन्न झाले आहे. त्यामुळे या प्रकरणाची गंभीरता अधिक वाढली आहे.

अधिकाऱ्यांच्या म्हणण्यानुसार, फॉरेन्सिक तपासणीनंतर नेमकी किती संवेदनशील माहिती शेअर करण्यात आली होती आणि या प्रकरणात आणखी कोण कोण सामील असू शकतात, हे स्पष्ट होणार आहे. तपास यंत्रणा आरोपी कोणत्या मोठ्या नेटवर्कचा भाग होता की तो एकटाच या कारवायांमध्ये सहभागी होता, याचाही तपास करत आहेत.

हवाई दलात कार्यरत असताना मिळालेली तांत्रिक माहिती आणि अनुभव लक्षात घेता हे प्रकरण अधिक संवेदनशील

या प्रकरणात तपास यंत्रणा आरोपीची कसून चौकशी करत आहेत. ASP हरिचरण भूमिज यांनी सांगितले की, आरोपीविरोधात भारतीय न्याय संहिता (BNS) अंतर्गत संबंधित कलमांनुसार गुन्हा दाखल करण्यात आला आहे. संपर्क कधी, कसा आणि कोणत्या माध्यमातून प्रस्थापित झाला, याचा शोध घेण्यासाठी सुरक्षा यंत्रणा सातत्याने चौकशी करत आहेत.

सूत्रांनी दिलेल्या माहितीनुसार, आरोपीला हवाई दलात कार्यरत असताना मिळालेली तांत्रिक माहिती आणि अनुभव लक्षात घेता हे प्रकरण अधिक संवेदनशील मानले जात आहे. मात्र, तपासावर परिणाम होऊ नये म्हणून पोलिसांनी सध्या आरोपीची ओळख आणि सेवेशी संबंधित सविस्तर माहिती जाहीर केलेली नाही.

पोलिसांनी काय माहिती दिली?

“आम्हाला एका विश्वासार्ह सूत्राकडून माहिती मिळाली होती की कुलेंद्र शर्मा हा पाकिस्तानी गुप्तचर संस्थांशी संपर्कात होता. या माहितीनंतर आम्ही त्याला अटक केली असून सध्या त्याची सखोल चौकशी सुरू आहे. प्राथमिक तपासात असे आढळून आले आहे की तो काही अज्ञात व्यक्तींशी काही कागदपत्रे शेअर करत होता. त्या कागदपत्रांची सत्यता आणि स्वरूप तपासले जात आहे,” अशी माहिती सोनितपूरचे अतिरिक्त पोलीस अधीक्षक हरिचरण भुमिज यांनी दिली.

त्यांनी पुढे सांगितले की ही कागदपत्रे संरक्षणाशी संबंधित असल्याचा प्राथमिक अंदाज आहे.

तसेच पोलिसांनी कुलेंद्र शर्मा कडून एक लॅपटॉप आणि एक मोबाईल फोन जप्त केला असून, त्यांची तपासणी सुरू आहे.

कुलेंद्र शर्मा ला पाच दिवसांची पोलीस कोठडी

पोलिस तपासात पुढे आलेल्या माहितीनुसार,

आरोपी कुलेंद्र शर्मा भारतीय हवाई दलात जूनियर वॉरंट ऑफिसर (Junior Warrant Officer) म्हणून कार्यरत होता.

तो 2002 साली तेजपूर येथील सलोनीबारी एअर बेसमधून निवृत्त झाला होता.

निवृत्तीनंतर आरोपी तेजपूर विद्यापीठातील इलेक्ट्रॉनिक्स विभागात रुजू झाला होता. मात्र, काही कालावधीनंतर कुलेंद्र शर्मा ने ही नोकरी सोडली होती.

ASP हरिचरण भूमिज यांनी पुढे सांगितले की, भारतीय न्याय संहिता अंतर्गत गुन्हा दाखल केल्यानंतर

स्थानिक न्यायालयाने कुलेंद्र शर्मा ला पाच दिवसांची पोलीस कोठडी सुनावली आहे.

या कालावधीत तपास यंत्रणा आरोपीकडून अधिक माहिती मिळवण्याचा प्रयत्न करणार आहेत.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.