पोलिसांचे गैरवर्तन: मारल्या थोबाडीत,तरुण निघाला इन्फ्लूएन्सर; व्हिडिओ व्हायरल ,पोलिसांची नोकरी गेली

बिहार 18-11-2025 : पोलिसांचे गैरवर्तन : बिहारची राजधानी पटना येथे पोलिसांच्या गैरवर्तनाचे एक गंभीर प्रकरण समोर आले असून, व्हिडिओ व्हायरल झाल्यानंतर दोन्ही पोलिस अधिकाऱ्यांना नोकरीवरून निलंबित करण्यात आले आहे. या घटनेमुळे शहरातील कायदा-सुव्यवस्थेवर आणि पोलिसांच्या वर्तनावर मोठे प्रश्न उपस्थित झाले आहेत.

सोशल मीडियावर व्हायरल झालेल्या या व्हिडिओमध्ये स्थानिक पोलिस स्टेशनमध्ये तैनात असलेल्या दोन पोलिसांनी एका तरुणाला शिवीगाळ करत थोबाडीत मारल्याचे स्पष्ट दिसत आहे.यानंतर मारहाणीच्या घटनेचा हा व्हिडिओ तरुणाने स्वतः आपल्या मोबाईलमध्ये कैद करून सोशल मीडियावर टाकला होता.बघता बघता व्हिडिओ मोठ्या प्रमाणात व्हायरल झाला.अनेकांकडून तो शेअर करण्यात आला आणि सर्व स्तरातून पोलिसांवर जोरदार टीका करण्यात आली.

पोलिसांचे गैरवर्तन patna-police-assault-viral-video-officers-suspended-youth-fined — patna-police-assault-viral-video-officers-suspended-youth-fined

पोलिसांचे गैरवर्तन प्रकरणी प्रशासनाने प्रकरणाची गंभीर दखल घेत तात्काळ कारवाई केली आणि व्हिडिओतील दोन्ही पोलिस, सब-इन्स्पेक्टर देवकांत बंटी आणि पीटीसी विश्वनाथ कुमार यांना निलंबित केले. पुढील चौकशीही सुरु करण्यात आली असून, पोलिसांनी एवढा आक्रमक पवित्रा का घेतला याचा तपास विभागीय चौकशीत केला जात आहे.

व्हिडिओमध्ये काय दिसत होते?

हा व्हिडिओ 14 नोव्हेंबर रोजी कच्ची दरगाह–बिद्दुपुर सिक्स लेन या ठिकाणी शूट करण्यात आला होता. या रस्त्यावर वाहनांची सतत मोठ्या वेगाने ये-जा असते. व्हिडिओमध्ये दिसते की, एक तरुण बाईकवर स्टंट करत वेगाने जात असताना पोलिसांनी त्याला थांबवले. बाइक पूर्णपणे थांबण्याआधीच एका पोलिसाने शिवीगाळ करायला सुरुवात केली. त्यानंतर दुसऱ्या पोलिसाने थेट युवकाच्या थोबाडीत मारली.

बाइक चालकाचा कॅमेरा सुरू होता,त्यामुळे ही संपूर्ण घटना काही क्षणांतच त्याच्या कॅमेऱ्यात कैद झाली,

आणि नंतर सोशल मीडियावर पसरताच लोकांमध्ये संताप व्यक्त करण्यात आला.

पण त्यानंतर पोलिसांनी फोन करून त्या तरुणाला धमकावलं. “व्हिडीओ डिलीट कर, नाहीतर तुला जेलमध्ये टाकू.” परिणामी दोन्ही पोलिसांना नोकरीवरून निलंबित करण्यात आलं आहे.

बाइक राइडरवरही कारवाई

मात्र,या प्रकरणात केवळ पोलिसांवरच नव्हे तर त्या तरुणावरही कारवाई करण्यात आली आहे. अभिषेक राजपूत (वय 19) नावाच्या तरुणाला धोकादायक स्टंट केल्यामुळे 7000 रुपयांचे चालान करण्यात आले आहे. अभिषेकनेही मान्य केले की तो रस्त्यावर स्टंट करत होता, ज्यामुळे इतर लोकांच्या जीवाला धोका निर्माण होऊ शकला असता.

अभिषेकने माफी मागत सांगितले की, पुढे तो कधीही रस्त्यावर स्टंट करणार नाही आणि सर्व वाहतूक नियमांचे पालन करेल. तसेच त्याचे म्हणणे होते की, पोलिसांनी त्याला समजावून सांगितले असते तर तो शांतपणे ऐकला असता, परंतु शिवीगाळ आणि मारहाण करणे चुकीचे आहे.

घटना कशी घडली?

तेथे गस्त घालत असलेल्या दोन पोलिसांनी अभिषेकला बाइकवर स्टंट करताना पाहिले. त्यानंतर त्यांनी त्याला थांबवण्यासाठी हात दाखवला. बाइक हळू होताच एका पोलिसाने अचानक आक्रमक भाषेत शिवीगाळ करायला सुरुवात केली. त्यानंतर दुसऱ्या पोलिसाने जोरदार थोबाडीत मारली. हे सर्व बाइक रायडर व्यक्तीच्या मोबाइलमध्ये रेकॉर्ड झाले आणि नंतर सोशल मीडियावर टाकताच लोकांमध्ये संतापाची लाट उसळली.

पोलिसांचे गैरवर्तन प्रकरणी पोलिस विभागाची प्रतिक्रिया

व्हिडिओ व्हायरल झाल्यानंतर पोलिस मुख्यालयाने स्पष्ट केले की,पोलिसांचे अशा प्रकारचे वर्तन कोणत्याही परिस्थितीत मान्य केले जाऊ शकत नाही.

पोलिस दलात अनुशासन आणि सुसंस्कृत वर्तन हे सर्वात महत्त्वाचे असून जनतेबरोबर आदराने वागणे ही प्राथमिक अपेक्षा आहे.

दोन्ही पोलिसांना निलंबित करण्यात आले असून, विभागीय चौकशीनंतर पुढील कारवाई होणार आहे.

पोलिसांनी सांगितले की, अशा घटनांमुळे संपूर्ण पोलिस दलाची प्रतिमा मलिन होते, त्यामुळे अशा गैरवर्तनाला जागा नाही.

दोन्ही बाजूंचा संदेश

पटना मधिल ही घटना दोन मोठे संदेश देते—

रस्त्यावर स्टंट करून स्वतःचे आणि इतरांचे जीव धोक्यात घालणे कधीही योग्य नाही.

कायदा अंमलबजावणी करणाऱ्या पोलिसांनीही शिस्त, संयम आणि सभ्य वर्तन राखणे अत्यंत आवश्यक आहे.

या प्रकरणातून हे स्पष्ट झाले की, चुकी कोणाचीही असो, नियम मोडणाऱ्यांवर कारवाई होणारच;

पण पोलिसांकडून गैरवर्तनही तितक्याच कठोरतेने हाताळले जाईल.

पोलिसांचे गैरवर्तन असणाऱ्या अशा घटनांमुळे जनता आणि पोलिसांमधील विश्वास टिकून राहणेही तितकेच महत्त्वाचे आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.