डोंबिवलीत तीव्र पाणीटंचाई; दिव्यांग वयोवृद्धाचा आत्महत्येचा प्रयत्न, नागरिकांत संताप

डोंबिवली : 10-11-2025 |डोंबिवली आणि कल्याण ग्रामीण परिसरात भीषण पाणीटंचाई निर्माण झाली आहे. आठ दिवसांपासून नागरिकांना अंघोळीसाठी, पिण्यासाठी आणि दैनंदिन कामांसाठी पाणी मिळत नसल्याने जनजीवन विस्कळीत झाले आहे. या गंभीर परिस्थितीला कंटाळून एमआयडीसी निवासी भागातील काशीनाथ सोनावणे (वय ७६) या दिव्यांग वयोवृद्धाने आत्महत्येचा प्रयत्न केला. त्यांनी इमारतीच्या गच्चीवरून उडी मारण्याचा प्रयत्न केला होता, परंतु अनिल शिंदे या तरुणाच्या प्रसंगावधानामुळे त्यांचे प्राण वाचले.

अधिकाऱ्यांकडून केवळ थातूरमातूर उत्तरे

घटनास्थळावरून मिळालेल्या माहितीनुसार, एमआयडीसी निवासी भागात गेल्या काही दिवसांपासून पाणीपुरवठा पूर्णपणे ठप्प आहे. अनेक इमारतींमध्ये गेल्या आठ दिवसांपासून पाण्याचा एक थेंबही आलेला नाही. त्यामुळे नागरिकांनी एमआयडीसी कार्यालयात जाऊन अधिकाऱ्यांकडे तक्रार नोंदवली. मात्र, अधिकाऱ्यांकडून केवळ थातूरमातूर उत्तरे मिळाली. ते नागरिकांना “पाइपलाइन बदला”, “पाइपलाइनची तपासणी सुरू आहे” असे सांगत आहेत.

पाणीपुरवठ्याचा प्रश्न सुटावा यासाठी नागरिकांनी प्रशासनाकडे वारंवार विनंती केली असली तरी त्यावर ठोस उपाययोजना होत नाही.

परिणामी नागरिकांचा संयम सुटत चालला आहे. पाण्याच्या अभावामुळे विशेषतः वयोवृद्ध, लहान मुले आणि महिला यांना प्रचंड त्रास सहन करावा लागत आहे.

आम्ही रोज टँकर मागवून पाणी विकत घेत आहोत

स्थानिक नागरिकांनी एमआयडीसी प्रशासनावर तीव्र नाराजी व्यक्त केली आहे. “आम्ही रोज टँकर मागवून पाणी विकत घेत आहोत, तरीही पाणीपुरवठ्याचा प्रश्न सुटत नाही. एवढ्या मोठ्या भागात आठ दिवसांपासून पाणी नसणे म्हणजे प्रशासनाचा निष्काळजीपणा आहे,” अशी प्रतिक्रिया नागरिकांनी दिली.

या घटनेनंतर परिसरात संतापाचे वातावरण असून, प्रशासनाने तातडीने पाणीपुरवठा सुरळीत करावा

आणि या गंभीर परिस्थितीबद्दल जबाबदार अधिकाऱ्यांवर कारवाई करावी, अशी मागणी नागरिकांनी केली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.