दिल्लीमध्ये 9700 किलो विषारी नकली जिरे जप्त; कर्करोगाचा धोका, घरच्या घरी 5 सेकंदांत तपासा नकली जीरा

नवी दिल्ली: आपल्या स्वयंपाकघरातील मसालेही आता भेसळयुक्त असल्याचे उघड झाले आहे. दिल्ली पोलिसांनी बनावट नकली जिरे तयार करणाऱ्या टोळीचा पर्दाफाश करत 9700 किलो विषारी जीरा जप्त केले आहे. या जीऱ्याचा आरोग्यावर गंभीर परिणाम होऊ शकतो, ज्यामुळे कर्करोग, किडनी स्टोन आणि इतर अनेक आजार होऊ शकतात.

घरच्या घरी 5 सेकंदांत ओळखा नकली जिरे 9700 kg Toxic Cumin Seized in Delhi How to Detect Fake Cumin in 5 Seconds — 9700 kg Toxic Cumin Seized in Delhi How to Detect Fake Cumin in 5 Seconds 2

बनावट नकली जिरे तयार करण्याचा प्रकार उघड

TOI च्या अहवालानुसार, दिल्लीतील बवाना परिसरात बनावट जीरा तयार करणारा कारखाना पोलिसांनी आणि FSSAI ने संयुक्त कारवाईत उघड केला. या कारखान्यातून 485 पोती जप्त करण्यात आली आहेत, ज्यामध्ये प्रत्येकी 20 किलो बनावट नकली जिरे होते. या जीऱ्याची बनावटगीरी करण्यासाठी दगडाचा चुरा, रवा, आणि गवताच्या पेस्टचा वापर करण्यात येत होता. हे बनावट नकली जिरे खारी बावलीसह राजस्थान व उत्तर प्रदेशातील थोक बाजारात विकले जात होते.

आरोग्यावर गंभीर परिणाम
आरोग्य तज्ज्ञांच्या मते, या बनावट जीऱ्यात वापरण्यात येणारे रसायने आणि रंग कर्करोगासारखे आजार निर्माण करू शकतात. यामध्ये सीमेंट आणि दगडाचा चुराही मिसळला जातो, ज्यामुळे किडनी स्टोनसह लघवीच्या मार्गातील समस्या होऊ शकतात.

घरच्या घरी 5 सेकंदांत ओळखा नकली जिरे

FSSAI ने नकली जीऱ्याची ओळख पटवण्यासाठी सोपे उपाय सुचवले आहेत:

एका छोट्या वाटीत पाणी घ्या.
4-5 जीऱ्याचे दाणे पाण्यात सोडा.
जर जीऱ्याचा रंग पाण्यात मिसळला तर ते नकली असल्याचे सिद्ध होते.

पोलिसांची मोठी कारवाई
स्थानिक नागरिकांच्या माहितीनंतर पोलिसांनी आणि FSSAI ने संयुक्तपणे छापा टाकला. या कारवाईत मोठ्या प्रमाणावर भेसळयुक्त जीऱ्याचे साहित्य जप्त करण्यात आले.

सतर्क राहण्याचे आवाहन
लोकांनी आपल्या अन्नधान्यातील अशा प्रकारच्या भेसळांकडे अधिक सतर्क राहावे, असे आवाहन FSSAI ने केले आहे. बनावट जीऱ्यामुळे होणारे संभाव्य आजार गंभीर असल्यामुळे ग्राहकांनी तपासून मसाले खरेदी करावेत.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.