हाडं गोठवणारी थंडी ; जॉर्जिया हॉटेलमध्ये 12 भारतीय नागरिकांचा मृत्यू, चौकशी सुरू

जॉर्जिया : हाडं गोठवणाऱ्या थंडीमध्ये जॉर्जिया मधिल एका हॉटेलमध्ये 12 भारतीय नागरिकांचा मृत्यू, जॉर्जियामधील गुडौरी येथील एका पर्वतीय रिसॉर्टमध्ये 12 भारतीय नागरिकांचे मृतदेह आढळून आले आहेत. स्थानिक पोलिसांच्या प्राथमिक तपासानुसार, विषारी कार्बन मोनोऑक्साइड गॅसच्या गळतीमुळे हा दुर्दैवी प्रकार घडल्याचे म्हटले आहे. ही घटना घडली, तेव्हा हे सर्वजण हॉटेलच्या दुसऱ्या मजल्यावरील आपल्या खोल्यांमध्ये झोपलेले होते.

जॉर्जियाच्या अंतर्गत मंत्रालयाने या घटनेबाबत माहिती दिली असून, प्राथमिक तपासात मृतदेहांवर कोणत्याही प्रकारच्या जखमा किंवा हिंसाचाराच्या खुणा दिसून आल्या नाहीत.

जॉर्जिया तील हॉटेलमध्ये 12 भारतीय नागरिकांचा मृत्यू

स्थानिक अधिकाऱ्यांनी सांगितले की मृतांपैकी 11 जण विदेशी (भारतीय) नागरिक होते, तर एक जॉर्जियाचा रहिवासी होता. मात्र, त्बिलिसी येथील भारतीय दूतावासाच्या अधिकाऱ्यांनी हिंदुस्तान टाइम्सला दिलेल्या माहितीनुसार, मृत्यू पावलेले सर्वजण भारतीय होते आणि हॉटेलमध्ये काम करत होते.

भारतीय दूतावासाचे निवेदन

भारतीय दूतावासाने आपल्या निवेदनात म्हटले की, “आम्हाला गुडौरी, जॉर्जिया येथे 12 भारतीय नागरिकांच्या मृत्यूची माहिती मिळाली आहे. या घटनेतील नागरिकांची माहिती मिळवण्यासाठी आम्ही स्थानिक अधिकाऱ्यांशी सातत्याने संपर्कात आहोत. मृतांच्या कुटुंबीयांप्रती आम्ही आमच्या संवेदना व्यक्त करतो. आम्ही येथे शक्य ते सर्वतोपरी सहाय्य देण्याचा प्रयत्न करत आहोत.”

स्थानिक पोलिसांच्या प्राथमिक तपासानुसार,

हॉटेलच्या झोपण्याच्या जागेजवळ एका बंदिस्त ठिकाणी ठेवलेल्या विजेच्या जनरेटरमुळे कार्बन मोनोऑक्साइड गॅसची गळती झाल्याचा संशय आहे.

मात्र, या घटनेमागील नेमके कारण अद्याप स्पष्ट झालेले नाही. या घटनेच्या अचूक कारणांसाठी फॉरेन्सिक तपास सुरू आहे आणि घटनास्थळी उपस्थित असलेल्या सर्व व्यक्तींकडून चौकशी केली जात आहे.

या घटनेच्या संदर्भात जॉर्जियाच्या पोलिसांनी गुन्हेगारी संहिता धारा 116 अंतर्गत निष्काळजीपणामुळे झालेल्या मृत्यूचा गुन्हा दाखल केला आहे.

स्थानिक आणि आंतरराष्ट्रीय स्तरावर ही घटना मोठ्या चिंतेचा विषय ठरत आहे. मृतांच्या कुटुंबीयांना सहानुभूती मिळावी आणि सत्य समोर यावे यासाठी स्थानिक प्रशासन आणि भारतीय दूतावास एकत्रित काम करत आहेत.

Support Jaaglyabharat.com, – Your Small Contribution, A Big Step Towards Change!

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.