महापरिनिर्वाण दिन: दादर स्थानकात प्रवेश मर्यादा आणि चैत्यभूमीसाठी विशेष सेवा,जाणून घ्या कोणते आहेत निर्बंध?

Mumbai: भारतीय घटनेचे शिल्पकार डॉ. बाबासाहेब आंबेडकर यांच्या महापरिनिर्वाण दिनानिमित्त देशभरातून राज्यासह चैत्यभूमीला भेट देण्यासाठी दरवर्षी मोठ्या संख्येने अनुयायी दादर येथे अभिवादन करण्यास येत असतात. गर्दी व्यवस्थापनासाठी, मुंबई रेल्वे पोलिस आयुक्तालयाने दादर स्थानकात प्रवेश मर्यादा लागू केली असून दादर रेल्वे स्थानकावर मर्यादित प्रवेशाची घोषणा केली आहे.

महापरिनिर्वाण दादर प्रवेश मर्यादा mahaparinirvan-din-dadar-entry-restrictions-special-services — mahaparinirvan-din-dadar-entry-restrictions-special-services

महापरिनिर्वाण दिन: दादर स्थानकात प्रवेश मर्यादा आणि चैत्यभूमीसाठी विशेष सेवा

गुरुवार, ५ डिसेंबरच्या मध्यरात्रीनंतर ते शुक्रवार, ६ डिसेंबरच्या मध्यरात्रीपर्यंत हे निर्बंध लागू असतील. यावेळी प्रवाशांसाठी उद्घोषणा यंत्राद्वारे माहिती दिली जाईल. अनुचित घटना टाळण्यासाठी पोलिसांच्या सूचनांचे पालन करण्याचे आवाहन करण्यात आले आहे. गर्दीची परिस्थिती लक्षात घेऊन निर्बंध शिथिल करण्याचा निर्णय घेण्यात येईल.

स्कायवॉकचा वापर खुला

शहरातून येणाऱ्या अनुयायांसाठी आणि रेल्वे प्रवाशांसाठी स्कायवॉक खुला असेल. लोकल आणि मेल-एक्स्प्रेस प्रवाशांना शहरात जाण्यासाठी या स्कायवॉकचा वापर करता येईल.

बेस्टकडून विशेष बस सेवा

डॉ. बाबासाहेब आंबेडकर यांच्या महापरिनिर्वाण दिनानिमित्त बेस्ट उपक्रमाने ४ डिसेंबर ते ७ डिसेंबर दरम्यान दर १५-२० मिनिटांनी दादर स्थानक ते चैत्यभूमी विशेष बससेवा सुरू केली आहे. प्रवाशांच्या सोयीसाठी तात्पुरत्या स्वरूपात ६० रुपयांचा विशेष बसपास उपलब्ध असेल.

कोणकोणत्या बस सेवा?

४ डिसेंबर: चैत्यभूमीसाठी बस क्रमांक २००, २४१, ए-३५१ आणि ३५४ मार्गांवर बस सेवा असेल.
६ डिसेंबर: शिवाजी पार्क येथून सी ३३, ए १६४, २४१, सी ३०५, ए ३५१, ३५४, ए-३५७, ए-३८५, सी-४४० आणि सी-५२१ मार्गांवर बस उपलब्ध असतील.

इतर सोयीसुविधा

अनुयायांच्या मार्गदर्शनासाठी चैत्यभूमी, शिवाजी पार्क मैदान आणि वीर कोतवाल उद्यान परिसरात बस निरीक्षक नेमण्यात येतील. बेस्टकडून मोफत वैद्यकीय तपासणी, नेत्र तपासणी, आणि अल्पोपाहाराची सुविधा देखील उपलब्ध असेल.

मुंबईतील महत्त्वाचे स्मृतीस्थळ

डॉ. बाबासाहेब आंबेडकर यांच्या स्मृतीस्थळांना भेट देणाऱ्या अनुयायांसाठीही विशेष बसफेऱ्या असतील. सकाळी ७:३० ते १०:०० या वेळेत या बसफेऱ्या चालवण्यात येतील.

Support Jaaglyabharat.com

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.