अजित पवार यांचं वक्तव्य: "मी साहेबांना दैवत मानलं, त्यांनी माझी नक्कल केली,माझ्या मनाला वेदना झाल्या"

राष्ट्रवादी काँग्रेसच्या शरद पवार गटाकडून बारामती विधानसभा मतदारसंघातील अधिकृत उमेदवार युगेंद्र पवार यांच्या प्रचारार्थ कण्हेरी येथे शरद पवारांची सभा झाली होती. या सभेत शरद पवार यांनी अजित पवारांच्या रडण्याची नक्कल केली, ज्यामुळे राजकीय वर्तुळात चांगलीच चर्चा सुरू झाली. शरद पवारांच्या या नक्कलीवर अजित पवारांनी एबीपी माझाच्या ‘माझा महाराष्ट्र, माझं व्हिजन’ या कार्यक्रमात प्रतिक्रिया दिली.

एबीपी माझा या वृत्तवाहिनीवर बोलताना अजित पवार म्हणाले, “शरद पवार हे राष्ट्रीय नेते प्रगल्भ नेते आहेत. त्यामुळे त्यांच्या सारख्या मोठ्या नेत्याने माझ्यासारख्या मुलाप्रमाणे असलेल्या व्यक्तीची नक्कल करणे अनेकांना आवडलं नाही. युगेंद्र पवार किंवा इतरांनी नक्कल केली असती तर ठीक होतं, पण साहेबांनी केली, हे अनेकांना रुचलं नाही. अगोदर राज ठाकरे हेच नक्कल करण्यात पटाईत असल्याचं वाटायचं, पण आता साहेब देखील या यादीत आलेत,” अशी टिप्पणी अजित पवार यांनी केली.

अजित पवार नक्कल Ajit Pawar's reaction to Sharad Pawar's imitation — Ajit Pawar’s reaction to Sharad Pawar’s imitation

आम्ही लहानाचे मोठे त्यांच्यासमोर झालो,त्यामुळे साहेबांनी असं करायला नको होतं

अजित पवारांनी पुढे म्हटलं, “मी शरद पवार साहेबांना देवासारखा मानतो. त्यामुळे त्यांनी माझी नक्कल करणं, हे माझ्या दृष्टीने योग्य नव्हतं. मी त्यांच्या कुटुंबातील मुलगा आहे, आम्ही लहानाचे मोठे त्यांच्यासमोर झालो,त्यामुळे साहेबांनी असं करायला नको होतं.” अजित पवारांनी आपल्या भावनिक भावना व्यक्त करत सांगितलं की, “मी निवडणुकीसाठी दिवस-रात्र मेहनत घेत आहे, त्यानंतर साहेबांनी अशी नक्कल केली, हे अनेक कार्यकर्त्यांना खटकलं.”

प्रसंग नेमका काय होता?

शरद पवार यांच्या परिवारात झालेल्या फुटीबाबत बोलताना अजित पवार एका सभेत भावुक झाले होते, ज्यामुळे त्यांच्या डोळ्यांत अश्रू आले होते. मंगळवारी बारामतीमधील सभेत शरद पवारांनी याच भावनेची नक्कल करत रुमाल वापरला, ज्यामुळे उपस्थित कार्यकर्त्यांमध्ये जल्लोष झाला.

Support Jaaglyabharat.com

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.