नवी दिल्ली: जेव्हा एखादा गुन्हेगार दीर्घकाळ पोलिसांच्या हातावर तुरी देत असतो, तेव्हा त्याला पकडण्यासाठी मोठ्या बक्षिसाची घोषणा केली जाते. एखाद्यावेळी हे बक्षीस ५० हजार, कधी १ लाख किंवा जास्तीत जास्त १० लाख असते. पण आम्ही तुम्हाला एका अशा गुन्हेगाराबद्दल सांगणार आहोत, ज्याच्या डोक्यावर फक्त लाख नाही तर तब्बल २ कोटी रुपयांचं बक्षीस आहे. अमेरिकेतील गुप्तचर एजन्सी एफबीआयच्या ‘टॉप १० मोस्ट वांटेड’ यादीत याचं नाव आहे. स्वतःच्या पत्नीच्या हत्या केल्याच्या आरोपावरून त्याला शोधलं जात आहे. या गुन्हेगाराचं नाव भद्रेशकुमार चेतनभाई पटेल आहे, जो मूळचा गुजरातचा आहे. एफबीआयने त्याच्या अटकेसाठी एवढं मोठं बक्षीस का जाहीर केलं आहे? जाणून घेऊ या संपूर्ण कहाणी.
घटना कधी आणि कुठे घडली?
तारीख १२ एप्रिल २०१५, ठिकाण मॅरीलँडमधील हॅनोव्हर शहरातील डंकिन डोनट्स कॉफी शॉप. त्या दिवशी कॉफी शॉपमध्ये एका महिलेचा मृतदेह आढळला, तीला चाकूने भोसकून ठार केलं गेलं होतं. पोलिसांनी तपासासाठी आजूबाजूचे सीसीटीव्ही फुटेज तपासले, तेव्हा एका जोडप्याचा संशयास्पद व्हिडिओ सापडला. हा व्हिडिओ कॉफी शॉपच्या मागच्या खोलीतील होता. फुटेजमध्ये एक कपल बोलत असल्याचं दिसतं, जे किचनकडे गेलं आणि नंतर एका रॅकच्या मागे अदृश्य झालं. त्यानंतर रॅकच्या मागे सापडलेला मृतदेह याच महिलेचा होता.
गुन्हा उघडकीस कसा आला?
सीसीटीव्ही फुटेजनुसार स्पष्ट झाले की , ती महिला २१ वर्षीय पलक होती आणि तिचा पती २४ वर्षीय भद्रेशकुमार चेतनभाई पटेल होता. १२ एप्रिल २०१५ रोजी, पलक आणि भद्रेशकुमार रात्रीच्या शिफ्टमध्ये होते. विशेष म्हणजे, पलकची हत्या ग्राहकांनी भरलेल्या कॉफी शॉपमध्येच झाली होती. पोलिसांनी सखोल तपास केला, भद्रेशकुमारच्या ओळखीच्या लोकांशी विचारपूस केली, पण तो कुठेच सापडला नाही.
एफबीआयने भद्रेशकुमारवर गुन्हे दाखल केले
२०१७ मध्ये एफबीआयने भद्रेशकुमारवर फर्स्ट डिग्री मर्डर, सेकंड डिग्री मर्डर, थर्ड डिग्री अटॅक, सेकंड डिग्री अटॅक, आणि धोकादायक हत्याराचा वापर अशा अनेक गंभीर गुन्ह्यांचे आरोप लावले गेले.
याशिवाय त्याच्या अटकेसाठी २.५ लाख डॉलर्सचं (जवळपास २ कोटी रुपये) बक्षीस जाहीर करण्यात आलं.
पत्नीच्या हत्येचं कारण काय होतं?
भद्रेशकुमार पटेल आणि पलक गुजरातमधील अहमदाबादचे रहिवासी असून अमेरिकेत वर्क वीजावर डंकिन डोनट्समध्ये काम करत होते.
त्यांच्या लग्नाला फारसा वेळ झाला नव्हता. तपासादरम्यान उघड झालं की पलक चा वर्क वीजा तिच्या हत्येच्या महिन्याभर आधीच संपला होता,
ज्यामुळे ती भारतात परतण्याची तयारी करत होती. पण भद्रेशकुमार यासाठी तयार नव्हता. त्याच कारणावरून त्याने तिची हत्या केल्याचा संशय आहे.
भद्रेशकुमार पटेल ची अखेरची माहिती
एफबीआयच्या माहितीनुसार, हत्या झाल्यानंतर भद्रेशकुमार शेवटचा न्यू जर्सीच्या एका हॉटेलमधून नेवार्क ट्रेन स्टेशनला कॅबने जाताना दिसला होता.
त्याने कदाचित कॅनडा किंवा इक्वाडोरला पलायन केल्याचा संशय आहे. एफबीआयने भद्रेशकुमारला अत्यंत धोकादायक आणि शस्त्रास्त्रसज्ज मानलं आहे.
एफबीआयची भूमिका
एफबीआयचे विशेष एजंट गॉर्डन बी. जॉनसन म्हणतात, “भद्रेशकुमारने अतिशय हिंसक गुन्हे केले आहेत.
आमच्या तपास पथकाच्या अथक प्रयत्नांद्वारे आणि जनतेच्या सहकार्याने आम्ही त्याला पकडण्यासाठी प्रयत्नशील आहोत. न्याय मिळेपर्यंत आम्ही शांत बसणार नाही.”
भद्रेशकुमार पटेल ला शोधण्यासाठी मोठं बक्षीस
भद्रेशकुमार चेतनभाई पटेल च्या अटकेसाठी एफबीआयने मोठ्या पातळीवर प्रयत्न सुरू केले आहेत.
जो कोणी त्याच्याबद्दल माहिती देईल त्याला २.५ लाख डॉलर्सचं बक्षीस दिलं जाईल. तरीही, तो अद्याप फरार आहे आणि एफबीआयची मोहीम सुरूच आहे.
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on JAN 18,2024 | 23:55 PM
WebTitle – why-fbi-offered-2-crore-reward-for-bhadreshkumar-patel
#MostWanted #FBI #BhadrashkumarPatel #CrimeStory #Reward2Crore
