अहमदाबादमध्ये डॉ.बाबासाहेब आंबेडकर यांच्या पुतळ्याची विटंबना

24 डिसेंबर 2024 | अहमदाबाद: अहमदाबादमध्ये डॉ. बाबासाहेब आंबेडकर यांच्या पुतळ्याची विटंबना झाल्याची गंभीर घटना उघडकीस आली आहे. अज्ञात व्यक्तींनी सोमवारी पहाटे पुतळ्याचे नुकसान केले, ज्यामुळे स्थानिक नागरिकांमध्ये तीव्र संताप उसळला. या प्रकरणी पोलिसांनी एफआयआर नोंदवला असून आरोपींचा शोध घेण्यासाठी परिसरातील सीसीटीव्ही फुटेजची तपासणी सुरू आहे.

पोलिस निरीक्षक एन. के. रबारी यांनी सांगितले की, “अहमदाबाद शहरातील खोखरा भागात श्री के. के. शास्त्री महाविद्यालयाच्या समोर उभारलेल्या डॉ. बाबासाहेब आंबेडकर यांच्या पुतळ्याच्या नाक व चष्म्याचे काही अज्ञात व्यक्तींनी नुकसान केले आहे.” त्यांनी सांगितले की, ही घटना शक्यतो सोमवारी सकाळी आठ वाजण्यापूर्वी घडली असावी.

अहमदाबादमध्ये डॉ. बाबासाहेब आंबेडकर यांच्या पुतळ्याची विटंबना,गुन्हा दाखल

या घटनेनंतर पोलिसांनी अज्ञात व्यक्तींविरुद्ध भारतीय दंड संहितेच्या कलम 196 (धर्म, जात, जन्मस्थान

किंवा निवासाच्या आधारावर गटांमध्ये वैमनस्य निर्माण करणे) आणि कलम 298 (धर्माचा अपमान करण्याच्या हेतूने पूजा स्थळाचे नुकसान करणे)

अंतर्गत गुन्हा दाखल केला आहे.

घटनेनंतर संतप्त नागरिकांनी पुतळ्याजवळ जमून निदर्शने केली व तोडफोड करणाऱ्यांविरुद्ध कठोर कारवाईची मागणी केली.

पोलिस निरीक्षक एन के रबारी यांनी स्थानिकांना योग्य ती कारवाई करण्यात येईल, असे आश्वासन दिले आहे.

ही घटना महाराष्ट्रातील परभणी येथे घडलेल्या घटनेची आठवण करून देते. परभणीत काही आठवड्यांपूर्वी एका अज्ञात व्यक्तीने संविधानाच्या प्रतिकृतीचे नुकसान केले होते, ज्यामुळे तेथे आंदोलन करण्यात आले होते,यावेळी आंबेडकरी समाजाकडून आरोप करण्यात आला होता की, पोलिसांनी केलेल्या मारहाणीत कायद्याचे शिक्षण घेत असलेले तरुण सोमनाथ सूर्यवंशी यांचा मृत्यू झाला होता,तर कोंबिंग ऑपरेशन दरम्यान महिलांना देखिल मारहाण केल्याच्या घटना घडल्या होत्या.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.