09 एप्रिल 2025 |धाराशिव: “प्रसाद वाटता वाटता ड्रग्ज वाटायला लागले पुजारी ” – तुळजाभवानी मंदिरातील १६ पुजाऱ्यांवर ड्रग्स तस्करीचे आरोप: तुळजाभवानी देवीच्या पावन भूमीवर घडलेल्या ड्रग्ज तस्करी प्रकरणात आता १६ पुजाऱ्यांचा सहभाग असल्याचे पोलीस तपासात समोर आले आहे. या प्रकरणात एकूण ३५ आरोपींपैकी अर्ध्याहून अधिक पुजारी असल्याची धाराशिव पोलिसांनी पुष्टी केली आहे. ही बातमी प्रसारित झाल्यावर संपूर्ण राज्यात खळबळ उडाली आहे. मंदिर संस्थेने दोषी पुजाऱ्यांवर कठोर कारवाईची घोषणा केली असून, पोलिसांनीही “पुजारी नाही तर गुन्हेगार म्हणून कार्यवाही” अशी कडक भूमिका घेतली आहे.
तुळजाभवानी मंदिरातील पुजारी प्रसाद वाटता वाटता ड्रग्ज कसे वाटायला लागले जाणून घ्या
तुळजापूरच्या तामलवाडी भागात १४ फेब्रुवारी रोजी ४९ ड्रग्सच्या पुड्या पकडल्यानंतर हा गुन्हा उघडकीला आला. तपासा करताना असं लक्षात आलं की, मुंबई, पुणे, सोलापूरमधील काही गट तुळजापूरमध्ये बस आणि खाजगी वाहनांमार्फत ड्रग्सची तस्करी करण्यात गुंतलेले होते. सुरुवातीला काही राजकीय नेत्यांना ड्रग्सची लत लागल्याने त्यांच्यासाठी पुरवठा केला जात असे. नंतर या व्यवहाराचा मोठा गट उघडकीला आल्यामुळे पुजारी आणि प्रतिष्ठित नागरिकही यात सामील झाल्याचे दिसून आले.
ड्रग्सचे प्रकार आणि विक्री पद्धत:
क्रिस्टल आणि पावडर अशा दोन प्रकारच्या ड्रग्सची विक्री केली जात होती.
क्रिस्टल ड्रग्स गुटखा पुडीत लपवून सहजपणे वापरले जात असे.
अडीच ते तीन हजार रुपयांना एक ग्राम ड्रग्स विकले जात असे.
तरुण मुलांनाही अर्धा ग्राम ड्रग्स विकल्याचे पोलीस तपासात समोर आले आहे.
तुळजापूरमध्ये ठराविक ठिकाणी हा अवैध व्यवहार चालत असे.
पुजाऱ्यांची भूमिका:
३५ आरोपीं पुजाऱ्यांपैकी १६ पुजारी यात मुख्य आरोपी असल्याचे निष्पन्न.
मुंबईतील महिला संगीता गोळे ही मास्टरमाईंड असून, ती तुळजापूरमधील आरोपींशी संपर्कात होती.
तामलवाडी टोल नाक्यावर पहिली ड्रग्ज कारवाई झाली.
गेल्या तीन वर्षांपासून ही तस्करी चालू असल्याचा आरोप.
पुजाऱ्यांचा विरोध:
पुजाऱ्यांनी या प्रकरणात त्यांची नावे वगळण्याची मागणी केली आहे.
“काही वाईट लोकांमुळे सर्व पुजाऱ्यांना बदनाम करू नये” अशी त्यांची मागणी.
राजकीय पुढाऱ्यांची नावेही यात असल्याचा आरोप.
पोलीस आणि मंदिर संस्थेची भूमिका:
धाराशिव पोलीस अधीक्षक संजय जाधव यांनी स्पष्ट केले की, “जात किंवा व्यवसाय बघून नव्हे तर गुन्हेगार म्हणून कार्यवाही होईल.”
मंदिर संस्थेचे अध्यक्ष जिल्हाधिकारी कीर्ती किरण पुजार यांनी दोषी पुजाऱ्यांवर कठोर कार्यवाहीचा इशारा दिला आहे.
(ही बातमी पोलीस तपास आणि अधिकृत स्रोतांवर आधारित आहे.)
Support Jaaglyabharat.com, – Your Small Contribution, A Big Step Towards Change!
जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on APR 09,2024 | 18:48 PM
WebTitle – “Selling Drugs Alongside Prasad” – 16 Priests of Tuljabhavani Temple Accused in Drug Racket
