दोन लाख बांगलादेशी जन्म प्रमाणपत्र मिळवण्यासाठी अर्ज ; किरीट सोमय्या यांचा गंभीर आरोप

सिल्लोड: राज्यात दोन लाख बांगलादेशी नागरिकांनी जन्म प्रमाणपत्र घेण्यासाठी अर्ज दाखल केल्याचा गंभीर आरोप भाजप नेते किरीट सोमय्या यांनी केला आहे. छत्रपती संभाजीनगर शहरात १०,०००, तर सिल्लोडमध्ये ४,७३५ बांगलादेशी नागरिक असल्याचा दावा सोमय्यांनी केला.

सोमय्या यांनी सिल्लोडच्या उपविभागीय अधिकारी कार्यालयात सोमवारी (ता. २०) उपविभागीय अधिकारी लतीफ पठाण यांची भेट घेतली आणि दाखल झालेल्या अर्जांची सविस्तर माहिती घेतली. त्यांनी सांगितले की, ९८ टक्के अर्ज बांगलादेशी मुस्लिम नागरिकांचे आहेत.

दोन लाख बांगलादेशी ,अर्जांमधील पुराव्यांचा अभाव

सोमय्या यांनी यावेळी गंभीर प्रश्न उपस्थित करत विचारले की, उशिरा एवढ्या मोठ्या प्रमाणात जन्म प्रमाणपत्र मागण्यासाठी अर्ज का दाखल होत आहेत?

त्यांचा आरोप होता की दाखल केलेल्या अर्जांमध्ये एकही ग्राह्य पुरावा नाही.

आधार कार्ड आणि शिधापत्रिका जोडण्यात आली आहे, मात्र ती तपासण्यात आलेली नाही.

सिल्लोडमध्ये २०२४ मध्ये एकूण १,३३५ अर्ज दाखल झाले होते.

परंतु, आता ही संख्या मोठ्या प्रमाणात वाढली असून ४,७३५ अर्ज दाखल झाल्याचे आढळून आले आहे.

अधिकाऱ्यांनीही यामध्ये काही त्रुटी असल्याचे मान्य केले आहे.

पोलिसांचा बंदोबस्त आणि अधिकाऱ्यांची अनुपस्थिती

सोमय्या यांनी सिल्लोड नगर परिषदेच्या कार्यालयात जाऊन मुख्याधिकाऱ्यांना भेटण्याचा प्रयत्न केला.

मात्र, मुख्याधिकारी छत्रपती संभाजीनगर येथे असल्याने त्यांची भेट होऊ शकली नाही.

यावेळी मोठा जमाव जमला होता, आणि पोलिसांचा कडेकोट बंदोबस्त तैनात करण्यात आला होता.

चार हजार ७३५ नावे एटीएसकडे सुपूर्द

सोमय्या यांनी सांगितले की, सिल्लोडमध्ये मोठा गैरव्यवहार झाला असून सर्व ४,७३५ नावे दहशतवाद विरोधी पथकाकडे (एटीएस) चौकशीसाठी पाठवली जातील. त्यांनी हे देखील स्पष्ट केले की, याप्रकरणी सखोल तपास होणे अत्यावश्यक आहे.

सोबत असलेले नेते आणि पदाधिकारी

या दौऱ्यात सोमय्या यांच्यासोबत भाजपचे तालुकाध्यक्ष अशोक गरुड, शहराध्यक्ष कमलेश कटारिया, माजी आमदार सांडू पाटील लोखंडे, सिद्धेश्वर कारखान्याचे चेअरमन ज्ञानेश्वर मोठे, किसान मोर्चाचे प्रदेश चिटणीस मकरंद कोर्डे आणि सुरेश बनकर उपस्थित होते.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.