खेळता खेळता हार्ट अटॅक ने सात वर्षीय अपेक्षा कुमारी या मुलीचा मृत्यू

उत्तर प्रदेशातील बागपत जिल्ह्यात एक अत्यंत दुःखद घटना समोर आली आहे. गुरुवारी योगीनाथ विद्यापीठ पब्लिक स्कूल, सरूरपूर येथे सात वर्षीय मुलगी अपेक्षा कुमारी हिचा शाळेच्या आवारात खेळताना (हार्ट अटॅक) हृदयविकाराच्या झटक्याने मृत्यू झाला. ही दुर्दैवी घटना सकाळी सुमारे ११:३० वाजता घडली. अपेक्षा आपल्या मित्रमैत्रिणींसोबत मैदानात खेळत असताना अचानक बेशुद्ध पडली.

शाळेतील शिक्षकांनी सांगितले की अपेक्षा पहिल्या वर्गात शिकत होती आणि नेहमीप्रमाणे ती इतर मुलांसोबत खेळत होती. मात्र, खेळताना अचानक ती जमिनीवर कोसळली. शाळा प्रशासनाने तात्काळ तिच्या कुटुंबीयांना याबाबत माहिती दिली. तिच्या पालकांनी तिला तीन वेगवेगळ्या रुग्णालयांमध्ये नेले, परंतु डॉक्टर तिचे प्राण वाचवू शकले नाहीत.

अपेक्षा कुमारी चा मृत्यू हार्ट अटॅक मुळे, मृत्यूचे प्राथमिक कारण

इंडिया टिवी ने दिलेल्या वृत्तानुसार,बागपतचे एसएचओ, दीक्षित कुमार त्यागी यांनी दिलेल्या माहितीनुसार, अपेक्षा कुमारी च्या मृतदेहाला पोस्टमार्टेमसाठी पाठवण्यात आले असून अहवालाची प्रतीक्षा आहे. प्राथमिक तपासानुसार (हार्ट अटॅक ) हृदयविकाराचा झटका हा तिच्या मृत्यूचा मुख्य कारण असल्याचे मानले जात आहे. एवढ्या लहान वयातील मुलीला हृदयविकाराचा झटका येऊन मृत्यू झाल्याने डॉक्टरही आश्चर्यचकित आहेत. तसेच, ही घटना शाळेच्या सीसीटीव्ही कॅमेऱ्यात कैद झाली असून पोलिस तपास सुरू आहे.

शाळेचे अधिकृत निवेदन:

अपेक्षाचे वडील, संदीप कुमार, हे बिजनौर येथे पोलीस कॉन्स्टेबल म्हणून कार्यरत आहेत. अपेक्षा तिच्या आई आणि नाना-नानींसोबत सुरूरपूर कलां गाव, बागपत येथे राहत होती. शाळेच्या एका शिक्षकाने नाव न सांगण्याच्या अटीवर म्हटले, “अपेक्षा कुमारी खूप सक्रिय आणि निरोगी मुलगी होती. अशा प्रकारची घटना अत्यंत दुर्दैवी आहे.”

शाळेच्या प्रशासनाने कुटुंबीयांप्रती संवेदना व्यक्त करताना सांगितले की, “ही घटना अत्यंत हृदयद्रावक आहे. आम्ही कुटुंबासोबत आहोत आणि शक्य ती सर्व मदत करू.”

ही घटना अपेक्षाच्या कुटुंबासाठी आणि शाळेच्या व्यवस्थापनासाठी मोठा धक्का आहे.

समाजात या प्रकारच्या घटनांवर चर्चा होण्याची गरज आहे आणि लहान मुलांच्या आरोग्याबद्दल अधिक जागरूकता निर्माण केली पाहिजे.

Support Jaaglyabharat.com

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.