तुळजाभवानी मंदिर प्रवेशद्वारावर तणाव; सुरक्षारक्षक आणि लहुजी शक्ती सेनेतील कार्यकर्ते यांच्यात धक्काबुक्की

धाराशिव 01-10-2025 : तुळजाभवानी मंदिराच्या मुख्य प्रवेशद्वारावर मोठा गोंधळ निर्माण झाला आहे. तुळजाभवानी मंदिरासमोर सुरक्षारक्षक आणि लहुजी शक्ती सेनेच्या कार्यकर्त्यांमध्ये धक्काबुक्की झाली. मातंग समाजाच्या आरक्षणाच्या मागणीसाठी लहुजी शक्ती सेनेची तुळजापूर येथे साकड यात्रा काढण्यात आली होती. तुळजाभवानीला आरती करून आरक्षणाची मागणी करण्यासाठी साकड घालण्यासाठी लहुजी शक्ती सेनेचे कार्यकर्ते तुळजापूर येथे आले होते. मंदिराच्या सुरक्षारक्षकांनी आणि कार्यकर्त्यांमध्ये मंदिराच्या प्रवेशद्वारावर धक्काबुक्की करण्यात आल्याचे वृत्त माध्यमांनी दिले आहे. मंदिराच्या राजे शहाजी महाद्वारावर प्रवेश देण्याबाबत झालेल्या वादात बाचाबाची आणि धक्काबुक्कीमुळे प्रचंड गोंधळाची परिस्थिती निर्माण झाली आहे.

तुळजा भवानी मंदिर लहुजी सेना tuljabhavani-temple-clash-security-guards-lahuji-shakti-sena-activists — tuljabhavani-temple-clash-security-guards-lahuji-shakti-sena-activists

न्याय न दिल्यास मुस्लिम नाहीतर ख्रिस्ती धर्म स्विकारू असा इशारा देण्यात आला

लहुजी शक्ती सेनेच्या कार्यकर्त्यांनी तुळजाभवानी मातेची महाआरती करून साकड घातले. गेली अनेक वर्षे आरक्षणाची मागणी करूनही सरकार दखल घेत नसल्याने हिंदू धर्म सोडून इतर धर्मांत धर्मांतर करणार असल्याचाही इशारा कार्यकर्त्यांनी दिला. यावेळी वर्गीकरण करून न्याय न दिल्यास मुस्लिम नाहीतर ख्रिस्ती धर्म स्विकारू असा इशारा देण्यात आला आहे.

दरम्यान, तुळजाभवानी देवीला महाआरती करण्यापूर्वी मंदिराचे सुरक्षारक्षक आणि लहुजी शक्ती सेनेच्या कार्यकर्त्यांमध्ये बाचाबाची झाल्याने काही काळ तणाव निर्माण झाला होता.

धाराशिव तुळजापूरमध्ये मातंग समाजाच्या कार्यकर्त्यांना तुळजाभवानी मंदिरासमोर आरती करण्यास अडवल्यामुळे मोठा गोंधळ उडाला. न्यायालयाने निकाल देऊन ही राज्य सरकार मातंग समाजाच्या आरक्षणाबाबत चालढकल करत असून आम्ही हिंदू धर्मात असताना देखील आम्हाला हिंदूवादी सरकार असून सुद्धा आमच्या प्रश्नाकडे चालढकल करत असल्याने आता आम्हाला हिंदू धर्म सोडून इतर धर्मात जाण्याची परवानगी मुख्यमंत्र्यांनी द्यावी अशी मागणी मातंग समाजाच्या कार्यकर्त्यांनी केली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.