गुजरातमधील गरबा कार्यक्रमात दलित महिलेवर अत्याचार, केसांना धरून ओढले; गुन्हा दाखल

वडोदरा, सप्टेंबर 30 -09-2025 महीसागर जिल्हा पोलिसांकडून शुक्रवारी रात्री विरपूर तालुक्यातील भारोडी गावातील एका गरबा कार्यक्रमात एका दलित महिलेचा अपमान केल्याचा, तिला शिवीगाळ केल्याचा आणि केसांनी ओढून कार्यक्रमातून बाहेर काढल्याच्या आरोपाखाली चार महिलांवर गुन्हा दाखल करण्यात आला आहे.

विरपूर पोलीस ठाण्यात २५ वर्षीय रिंकू वंकर यांनी दाखल केलेल्या तक्रारीनुसार,

गांधीनगर येथील सरकारी अभियांत्रिकी महाविद्यालयात चौथ्या वर्षात शिकणाऱ्या या विद्यार्थिनीने

तिच्या मैत्रिणीसोबत गरबा कार्यक्रमात सहभागी होण्याचा निर्णय घेतला तेव्हा ही घटना घडली.

तक्रारीमध्ये तक्रारदाराने नमूद केले आहे की लोमा पटेल, रोशनी पटेल आणि वृष्टी पटेल

या तीन महिलांनी प्रथम तिला कार्यक्रमात सहभागी झाल्याबद्दल

तिची निंदा केली आणि “तिला जातीवाचक शिवीवागाळ करणे आणि अपमान करणे सुरू केले”.

दलित महिला गरबा खेळत असताना केसांना धरून ओढून तिला बाहेर काढले

घटनेची माहिती देताना पीडित तरुणीने म्हटले की, “याठिकाणी (त्या तीन महिलांशी) वाद झाल्यानंतर त्यांनी जातीय शिवीगाळ केली आणि म्हटले, ‘हे लोक आमच्या बरोबरीचे नाहीत आणि आमच्यासोबत गरबा खेळू शकत नाहीत’. घटनेच्या वेळी मोबाईलचे चित्रकरण करू नये म्हणून फोन स्विच ऑफ करायला लावून तो खेचून घेण्यात आला… त्याक्षणी लोमा, रोशनी आणि मीना पटेल एकत्र आल्या आणि माझ्यावर हल्ला करण्यास सुरुवात केली…”, अशी माहिती तक्रारीत देण्यात आलेली आहे.

तक्रारदार पुढे म्हणते की त्या महिलांनी तिच्या केसांना धरून ओढून तिला बाहेर काढले तर इतरांनी तिला यामध्ये साथ दिली आणि सदर घटनेचा व्हिडिओ काढण्यापासून तिला रोखण्यात आले. “त्यांनी केवळ माझ्यावर जातीयवाचक शिवीगाळ केली नाही तर पुन्हा त्या गरब्यात परत आल्यास जीवाचे बरेवाईट करणारे गंभीर परिणाम होतील अशी धमकी देखील दिली…”, तक्रारीत म्हटले आहे.

आरोपींवर भारतीय न्याय संहितेच्या कलम ११५(२) (स्वेच्छेने दुखापत करणे), कलम ५४ (गुन्ह्याच्या घटनेत सहभाग उपस्थितीत ), कलम ३५१(१) (अपराधी धमकी) आणि कलम ३५२ (शांतता भंग करण्यास प्रवृत्त करण्यासाठी हेतुपुरस्सर अपमान) तसेच एससी/एसटी (अत्याचार प्रतिबंध) कायद्याच्या संबंधित कलमांखाली गुन्हा दाखल करण्यात आला आहे.

महीसागरचे एसपी सफीन हसन यांनी सांगितले की एससी/एसटी सेलच्या डीएसपीने या प्रकरणात चौकशी सुरू केली आहे.

Support Jaaglyabharat.com, – Your Small Contribution, A Big Step Towards Change!

जागल्याभारत अतिशय कमी रिसोर्स मध्ये काम करत आहे. दुसरीकडे बलाढ्य मेनस्ट्रिम मिडिया (प्रसार माध्यमे) जी सातत्याने फेक न्यूज चालवत असतात,आणि शोषित वंचित समाजाचे प्रश्न दाबत असतात.त्यामुळे आपल्या मिडियाला बळ दिले पाहिजे.

At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.

Thank you for standing with us!

आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.