उत्तरप्रदेश : भीम आर्मी प्रमुख चंद्रशेखर आझाद वर सहारनपूर येथे जीवघेणा हल्ला करण्यात आला आहे. हल्लेखोरांनी झाडलेली गोळी त्याच्या कमरेला स्पर्श करून बाहेर आली आहे. गोळीमुळे त्यांच्या कमरेला जखम झाली असून, त्यांच्यावर उपचार सुरू आहेत. या हल्ल्यात त्यांच्या कारची विंडशील्ड तुटली. हल्ल्यानंतर चंद्रशेखर आझाद यांना तातडीने रुग्णालयात दाखल करण्यात आले.
आतापर्यंत मिळालेल्या माहितीनुसार, देवबंद शहरात एचआर 70 डी 0278 क्रमांकाच्या कारमध्ये आलेल्या अज्ञात हल्लेखोरांनी भीम आर्मीचे संस्थापक आणि आझाद समाज पक्षाचे राष्ट्रीय अध्यक्ष चंद्रशेखर आझाद यांच्या ताफ्यावर चार राऊंड गोळीबार केला, ज्यात एक गोळी लागून चंद्रशेखर आझाद जखमी झाले आहेत.
![CCTV footage भीम आर्मी प्रमुख चंद्रशेखर आझाद वर प्राणघातक हल्ला, गोळीबार Firing attack on Bhim Army Chief Chandrashekhar Azad](https://jaaglyabharat.com/wp-content/uploads/2023/06/Firing-attack-on-Bhim-Army-Chief-Chandrashekhar-Azad-1024x538.jpg)
त्यांच्यावरील हल्ल्याबाबत चंद्रशेखर आझाद म्हणाले की, त्यांना नीट आठवत नाही पण त्यांच्या कार्यकर्त्यांनी हल्लेखोरांना ओळखले आहे. त्यांची गाडी सहारनपूरच्या दिशेने धावली. त्यावेळी कारमध्ये 5 जण प्रवास करत होते.
शिवपाल यादव यांनी चंद्रशेखर आझाद यांच्यावर झालेल्या हल्ल्याबाबत ट्विट केले आहे. राज्यात गुन्हेगारांचे मनोबल वाढल्याचे त्यांनी लिहिले आहे. अराजक घटक त्यांच्या सर्व मर्यादा आणि सीमा तोडण्याचा प्रयत्न करत आहेत. यूपीमधील विरोधक आता सरकार आणि गुन्हेगारांच्या निशाण्यावर आहेत. भीम आर्मी चीफवरील हल्ला हा राज्यातील पोकळ झालेल्या कायदा आणि सुव्यवस्थेवरील धोक्याचा इशारा आहे.भाजपवर निशाणा साधताना अखिलेश यादव यांनी देवबंदमध्ये आझाद समाज पक्षाचे अध्यक्ष चंद्रशेखर आझाद यांच्यावर सत्तेचे संरक्षण मिळालेल्या गुन्हेगारांनी केलेला खूनी हल्ला अत्यंत निंदनीय आणि भ्याड कृत्य असल्याचे म्हटले आहे. भाजपच्या राजवटीत लोकप्रतिनिधीच सुरक्षित नसताना सर्वसामान्यांचे काय होणार?
सहारनपूरच्या देवबंदमध्ये आझाद समाज पक्षाचे राष्ट्रीय अध्यक्ष चंद्रशेखर आझाद यांच्यावर
सत्तेचे संरक्षण मिळालेल्या गुन्हेगारांनी केलेला खूनी हल्ला हे अत्यंत निंदनीय आणि भ्याड कृत्य आहे,
असे अखिलेश यांनी ट्विट केले आहे. भाजपच्या राजवटीत लोकप्रतिनिधीच सुरक्षित नसताना सर्वसामान्यांचे काय होणार? यूपीत जंगलराज!
विशेष म्हणजे चंद्रशेखर यांच्या आझाद समाज पक्षाने सपा आणि आरएलडीसोबत
मुझफ्फरनगरची खतौली जागा लढवली आणि भाजपचा पराभव केला.
येत्या निवडणुकीतही चंद्रशेखर सपा आणि आरएलडीसोबत निवडणूक लढवणार आहेत.
पोटनिवडणुकीच्या वेळी त्यांनी सपा प्रमुख अखिलेश यादव यांच्यासोबत व्यासपीठ सामायिक केले आणि एकत्र प्रचार केला होता.
तामिळनाडू चे मुख्यमंत्री एम के स्टॅलिन यांनी केला निषेध
उत्तर प्रदेशातील सहारनपूर येथे भीम आर्मीचे प्रमुख चंद्रशेखर आझाद यांच्यावर झालेल्या खुनी हल्ल्याचा निषेध. या हिंसक घटनेने उत्तर प्रदेशातील ढासळत चाललेली कायदा आणि सुव्यवस्थेची परिस्थिती समोर आली आहे. चंद्रशेखर आझाद लवकरात लवकर बरे व्हावेत आणि या भ्याड हल्ल्याला जबाबदार असलेल्या दोषींना शिक्षा व्हावी, अशी मागणी त्यांनी ट्विट करून केली आहे.
समर्थकांना शांतता राखण्याचे आवाहन
एका व्हिडिओ निवेदनात आझाद समाज पक्षाच्या प्रमुखांनी आपल्या समर्थकांना शांतता राखण्यास सांगितले. “मला अशा अचानक हल्ल्याची अपेक्षा नव्हती. आम्ही आमचा लढा संवैधानिकपणे सुरूच ठेवू…” असे आवाहन त्यांनी हॉस्पिटलमधून केले.
हरयाणा ची गाडी
सहारनपूरचे वरिष्ठ पोलीस अधीक्षक विपिन टाडा म्हणाले, “फॉरेन्सिक टीमने गुन्ह्याच्या ठिकाणाची तपासणी केली आहे. हल्लेखोरांची संख्या चार ते पाच असल्याचे सांगण्यात येत आहे.”
पोलिसांनी दिलेल्या माहितीनुसार, हल्लेखोरांनी वापरलेल्या वाहनावर हरियाणाचा नोंदणी क्रमांक होता. “जिल्ह्याच्या सीमा सील करण्यात आल्या आहेत आणि हल्लेखोर आणि त्यांच्या वाहनाचा माग काढण्यासाठी मोठ्या प्रमाणावर कारवाई सुरू करण्यात आली आहे,” मांगलिक म्हणाले.
सीसीटीव्ही फुटेज आले समोर
भीम आर्मीचे प्रमुख चंद्रशेखर आझाद यांच्यावर झालेल्या हल्ल्यापूर्वीचा सीसीटीव्ही व्हिडिओ समोर आला आहे.
हे फुटेज आझाद समाज पक्षा कडून शेअर करण्यात आले आहे.
बसपा अध्यक्षा मायावती यांचे याबाबत अद्याप कोणतीही प्रतिक्रिया ट्विट आलेलं नाही.
युपी चे मुख्यमंत्री अजयकुमार बिष्ट उर्फ योगी आदित्यनाथ यांचीही कोणतीही प्रतिक्रिया अद्याप आलेली नाही.
![](https://jaaglyabharat.com/wp-content/uploads/2023/06/Google_news_png-logo-jaglya-jaaglyabharat.png)
click here
live video: करणी सेना च्या अजय सेंगर ला भीम सैनिकांनी मारहाण केली
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा....
First Published by Team Jaaglya Bharat on 29 JUN 2023, 09:40 AM
WebTitle – Firing attack on Bhim Army Chief Chandrashekhar Azad