अमेरिका : 17 वर्षांच्या मुलीने अमेरिकन शाळेत केला गोळीबार, ख्रिसमसच्या आधीच रक्तपात : अमेरिकेतील विस्कॉन्सिन राज्यातील एका खाजगी ख्रिश्चन शाळेत सोमवारी गोळीबाराची धक्कादायक घटना घडली. या घटनेत एक शिक्षिका आणि एका अन्य व्यक्तीसह दोन जणांचा मृत्यू झाला आहे. विशेष म्हणजे ही घटना ख्रिसमसच्या एका आठवड्यापूर्वी घडली आहे. पोलिसांनी दिलेल्या माहितीनुसार, गोळीबार करणाऱ्या 17 वर्षांच्या विद्यार्थिनीने नंतर आत्महत्या केली.
मेडिसन शहरातील एबंडंट लाइफ ख्रिश्चन स्कूलमध्ये या गोळीबाराचा प्रकार घडला. या शाळेत सुमारे 390 विद्यार्थी शिक्षण घेत आहेत. मेडिसन पोलिस प्रमुख शॉन बार्न्स यांनी सांगितले की, सध्या ही विद्यार्थिनी नेमका गोळीबार का करत होती, याचे कारण समजू शकलेले नाही.
अमेरिकन शाळेत गोळीबार ; संपूर्ण देशासाठी दुःखद
पोलिसांनी आधी पाच जणांच्या मृत्यूची माहिती दिली होती, मात्र नंतर तपासात दोन लोकांचा मृत्यू आणि अन्य काही जण गंभीर जखमी असल्याचे स्पष्ट झाले. बार्न्स यांनी पत्रकार परिषदेत सांगितले, “आजचा दिवस मेडिसन शहरासाठीच नव्हे तर संपूर्ण देशासाठी दुःखद आहे.”
गोळीबाराची शस्त्रे आणि तपास
तपास अधिकार्‍यांच्या मते, हल्लेखोर विद्यार्थिनीने 9एमएम पिस्तूल वापरले होते. शॉन बार्न्स यांनी सांगितले की, “माझ्या माहितीनुसार, शाळेत मेटल डिटेक्टर्स नव्हते आणि शाळा विद्यालये ही सुरक्षित ठिकाणे मानली जातात. त्यामुळे तिथे असे डिटेक्टर्स असणे अपेक्षित नाही.”
पोलिसांनी शाळेच्या परिसरात चोख बंदोबस्त केला असून परिसराला घेरले आहे. पोलिसांच्या मते, या कारवाईत कोणतीही गोळी त्यांच्याकडून झाडण्यात आलेली नाही.
परिस्थितीवर समाजातील प्रतिक्रिया
या दुर्दैवी घटनेने शाळा, पालक आणि समाजात भीतीचे वातावरण निर्माण झाले आहे. गंभीर जखमींवर सध्या रुग्णालयात उपचार सुरू आहेत. अधिकाऱ्यांनी घटनेचा सखोल तपास सुरू केला असून, विद्यार्थी व पालकांना मदतीचे आश्वासन दिले आहे.
Support Jaaglyabharat.com, – Your Small Contribution, A Big Step Towards Change!
At Jaaglyabharat.com, we’re committed to bringing you accurate, insightful news that you can trust. By making a small contribution, you help us continue delivering high-quality content, expanding our reach, and staying independent. Every bit of support keeps the news accessible and empowers us to do more.
Thank you for standing with us!
आपल्या जागल्याभारत या युट्यूब चॅनेल ला भेट द्या,सबसक्राईब करा. सपोर्ट करा.
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on DEC 17,2024 | 08:56 AM
WebTitle – 17-Year-Old Girl Opens Fire in U.S. School, Bloodshed Before Christmas
