मध्यप्रदेश: मध्यप्रदेश च्या उज्जैन मध्ये एका 12 वर्षीय मुलीवर बलात्कार केल्याची घटना समोर आली आहे. मुलीच्या प्रायव्हेट पार्टवर गंभीर जखमा आहेत.अतिरक्तस्रावामुळे मुलीला इंदूरच्या रुग्णालयात दाखल करावे लागले. तिथं पोलिसांनी तिला रक्त दिलं. मुलगी आता धोक्याबाहेर आहे.मुलगी रक्ताने माखलेल्या अवस्थेत अशीच चालत राहिली,नंतर चक्कर येऊन पडली.मुलीने आपल्या आईसोबत देखील अत्याचार झाल्याचे म्हटले आहे. परंतु तिची आहे आता कुठे आहे आणि ती उज्जैनला कशी पोहोचली? याबाबत तिला काही सांगता येत नाहीये.
सोमवारी सायंकाळी महाकाल पोलीस ठाण्याच्या हद्दीतील बडनगर रोडवरील दांडी आश्रमाजवळ ही मुलगी जखमी अवस्थेत आढळून आली. तिचे कपडे रक्ताने माखले होते. तिला चरक रुग्णालयात दाखल करण्यात आले. येथून त्याला इंदूरला रेफर करण्यात आले. तेथील डॉक्टरांनी मुलीवर बलात्कार झाल्याचे सांगितले.
अडीच तास भटकत राहिली.कुणी पुढे आलं नाही
उज्जैन मध्ये एका 12 वर्षीय मुलीवर बलात्कार अत्याचार होऊन रक्ताने माखलेली अर्धनग्न मुलगी संवरखेडी सिंहस्थ बायपासवरील वसाहतींमध्ये अडीच तास भटकत राहिली. त्याचे सीसीटीव्ही फुटेज पोलिसांना मिळाले आहे. ती पूर्ण आठ किलोमीटर चालली. असं फुटेजवरून दिसतं.ती चालत असताना काही लोकांनी तिला पाहिलं, पण कदाचित भीतीमुळे किंवा इतर काही सामाजिक कारणामुळे, ना कुणी तिला थांबवलं ना पोलिसांना कळवले.
उज्जैनचे एसपी सचिन शर्मा यांनी सांगितले की, मुलगी बहुधा प्रयागराज (यूपी) येथील रहिवासी आहे.
तपासासाठी एसआयटी स्थापन करण्यात आली आहे.ही घटना कुठे घडली याबाबत पीडित मुलीला अधिक काही सांगता येत नाहीये.
अनेक ठिकाणीच्या सीसीटीव्ही फुटेज मध्ये दिसली, ऑटो चालक ताब्यात
CCTV सीसीटीव्ही फुटेजमध्ये हटकेश्वर रोडवर एक ऑटोरिक्षा दिसत आहे, ज्यामध्ये पीडितेसोबत एक व्यक्तीही दिसत आहे.
फुटेजच्या मदतीने पोलिसांनी मंगळवारी रात्री एका ऑटोचालकाचा माग काढला. त्याला ताब्यात घेऊन चौकशी करण्यात येत आहे.
सीसीटीव्ही फुटेजच्या तपासणीत ही मुलगी नीलगंगा पोलिस स्टेशन हद्दीतील संवरखेडी रोड,तिरुपती ड्रीम्स,
सिंहस्थ बायपासच्या हटकेश्वर विहार कॉलनीसह चिंतामण ब्रिज रोडवर फिरत असल्याचे आढळून आले.
तिरुपती ड्रिम्स येथे एका वृद्धाला म्हणाली – कोणीतरी माझ्या मागे लागले आहे
CCTV फुटेजमध्ये ती मुलगी सोमवारी पहाटे ५.५२ वाजता तिरुपती ड्रीम्स कॉलनीत घाईघाईने चालत येताना दिसत आहे.
आज सकाळी कॉलनीतील एका वृद्धाने तिला काय झाले असे विचारले असता तिने एवढेच सांगितले की काही लोक माझ्या मागे लागले आहेत.
यानंतरही ती न थांबता ती आणखी वेगाने चालत राहिली.पोलिसांनीही संबंधित व्यक्तीला गाठून मुलीशी झालेल्या संभाषणाची चौकशी केली.
यातून असे समोर आले की, क्रूरतेची शिकार झाल्यानंतर ती आपला जीव वाचवण्यासाठी पळून गेली
आणि तिला कुठे जायचे आणि कोणाकडे मदत मागायची हेच कळत नव्हते.
ती फक्त या कॉलनीतून त्या कॉलनीत पायी पायपीट करत राहिली.
महिला तज्ञाच्या मदतीने मुलीचे बोलणे समजून घेतले गेले
एसपी शर्मा यांनी उत्तर प्रदेशातील महिला तज्ञाच्या मदतीने मुलीचे बोलणे समजून घेतले. यावरून ती उत्तर प्रदेशातील प्रयागराज येथील गावातील असल्याचे समोर आले. जी बोलीभाषा बोलली जात आहे ती तिथल्या समाजाकडून बोलली जाते. मध्य प्रदेश पोलिस उत्तर प्रदेश पोलिसांशीही संपर्क साधून कुटुंबाचा शोध घेण्याचा प्रयत्न करत आहेत.
पोलिसांचे पथक जुने ७२ तासांचे सीसीटीव्ही फुटेज स्कॅन करत आहे. यावेळी बायपास मार्गावरून जाणाऱ्या अवजड वाहनांचा तपशीलही काढला जात आहे. हटकेश्वर मार्गाच्या फुटेजमध्ये काही सुगावा आहेत. लोकांच्या हालचालींवरही काम केले जात आहे. तांत्रिक पथकेही यात गुंतल्याचे पोलिस अधिकाऱ्यांचे म्हणणे आहे. प्रत्येक स्तरावर काम सुरू आहे.
मुलीने एका व्यक्तीचे नाव चावल असल्याचे म्हटले
उज्जैनचे एसपी सचिन शर्मा यांनी सांगितले की, बहुधा ही मुलगी बायपास परिसरात क्रुरतेची शिकार झाली असावी.
ती एका व्यक्तीचे नाव चावल असे सांगत आहे.तिच्या शरीरावर गंभीर दुखापतीच्या खुणा आढळून आल्या आहेत,
मात्र ती आता धोक्याबाहेर असून तिच्यावर इंदूर येथे उपचार सुरू असून ऑपरेशन नंतर ती आता सुखरूप असल्याचे कळते.
कमलनाथ यांचा भाजपच्या मुख्यमंत्र्यांवर निशाणा
या घटनेवर, पीसीसी प्रमुख आणि माजी मुख्यमंत्री कमलनाथ यांनी ट्विट केले की, ‘अशी घृणास्पद घटना प्रशासन आणि समाजावर डाग आहे. मला मुख्यमंत्र्यांकडून जाणून घ्यायचे आहे की, तुम्ही फक्त निवडणुका लढवत राहणार आणि खोट्या घोषणा करत राहणार का? त्यांनी पुढे लिहिले की, ‘मुख्यमंत्री असूनही मध्य प्रदेश मुख्यमंत्री नसलेलं राज्य बनलं आहे. गुन्हेगार निर्दयी असून जनता त्रस्त आहे. गुन्हेगारांना कठोरात कठोर शिक्षा व्हावी, अशी माझी मुख्यमंत्र्यांकडे मागणी आहे. पीडितेला योग्य उपचारासोबतच एक कोटी रुपयांची आर्थिक मदत देण्यात यावी.
जय श्रीराम म्हणायला लावत मुंबई मध्ये परप्रांतीय टोळक्याची मराठी तरुणाला जबर मारहाण
आपल्या @jaaglyabharat या टेलिग्राम चॅनेलवर सहभागी व्हा,ताज्या अपडेट्स मिळवा
जागल्याभारत वर माफक दरात जाहिरात देण्यासाठी संपर्क करा
First Published by Team Jaaglya Bharat on SEP 04,2023 | 14:12 PM
WebTitle – 12-year-old girl raped in Ujjain
